tag:blogger.com,1999:blog-56632722011-04-21T12:37:25.195-07:00شوانهوێڵهa Kurdish blogShwanhttp://www.blogger.com/profile/14636987950716918786noreply@blogger.comBlogger171100tag:blogger.com,1999:blog-5663272.post-1078845939584157702004-03-09T07:25:00.000-08:002004-03-09T07:27:54.593-08:00له ڕۆژی 8 مارس دا كه به ڕۆژی جیهانی ژن ناودێر كهراوه، له باشوور و ڕۆژههلاتی كوردستان دوو ڕووداو هاتنه كایهوه كه نیشاندهری ڕمزیكی پیرۆز و یهكجار گرینگن له خهباتی نهتهوهیی كورد دا بۆ چهسپاند ناسنامه و سهرداریی نهتهوهیی كورد. یهكمین ڕووداو كه چهسپاندهنی هێندهك له ویست و داخۆازیه نهتهوهیهكانمان له باشووری كوردستان دهگرێته بهر خۆ به بێشك ههنگاویكی گهلێك گرینگه له ڕێگای دهستهبهركردن، داڕشتن و داكوتانی سهرداریی نهتهویمان له فۆرمی فیدرالی یا دهوڵهتی نهتهوهیی دا. بۆ به ئاكام گهیاندنی ئهو مهبسته كه بهو ههنگاوه پێ ناوهته ژیانێكی تازهوه، زیاتر له ههمیشه پێویستی به ئهقڵێتكی ژیرانهی نهتهوهیی و هاوپشتی و هاودهنگێكی نهتهوهیی لهناو كۆمهڵانی خهڵك، ڕێبهرایهتی سیاسی و ڕۆشنبیران له ههر چوار پارچه و كوردان له تاراوگه ههیه. ئهركی ڕێبهرایهتی كوردیی و هێزهكوردیهكانی باشوور لهو پێوهندیه دا له ههمیشه گرینگتر و بهڕچاوتره.
<br />
<br />دووههمین ڕووداو كه له ڕاستی دا نیشاندهری ئهو ئهقڵیته نهتهوهیه كه ئهو هاوپشتی و هاوچارنووسیه نهتهوهیی له ناو خۆی دا حهشار داوه، دهگهرێتهوه بۆ شادی و خۆشی كوردان له ههموو كوردستان دا و بهتایبهتی له ڕۆژههڵاتی كوردستان (كه له لایهك، له هێندهك له باژێڕهكان دا كار گهیشته بهزم و شایی بهههزاران كهس له شهقام و كۆڵانهكان دا، و له لایهكیتر بوو به مهیدانی بهرهنگاری و بهربهرهكانی خهڵك له گهڵ داگیركهرانی وڵات). دیاره ئهوه یهكهم جار نیێه كه نهتهوهی كورد ئهو ههستی هاوپشتی و هاوچارهنووسی و ئهو هووشیاریه نهتهوهیه (كه كاكڵ و ناوهرۆكی ناسیونالیزمی كورده) ڕوو دهكا. له مێژوویی دوور و درێژی ڕابردووی خهباتی نهتهوهیمان دا به دهیان جار ئهو هاوپشتی و هاوچارهنووسێه لهلایهن مڕۆڤی ساكاری كوردهوه بهلێشاو نیشاندراوه.فلسهفهی مرۆڤی ساكاری كورد ئهویه كه كوردستان و كێشهكهی سهربهخۆیه و نهبستراوتهوه به دنیای فارس و ئارو و تورك، ههر بۆیه ڕزگاریی بهشێك له كوردستان ههمیشه وهك ههنگاویهك بینراوه بۆ ڕزگاری ههموو كوردستان.
<br />
<br />ئێستاش نۆبهی ههموو خۆ بهدهم ڕاست وڕیش سپێكان، زانایان و هێز و توانه سیاسی، كۆمهڵایهتی و ڕۆشنبیریهكانی كورده كه چهكدار به فلسفهی مرۆڤی ساكاری كورد كه تهنیا كوردایهتی و ڕزگاریی كوردستانه له گهڵ كێشهی نهتهوهیمان ههڵسووكهوت بكهن و له بازنهی بهرتسكی ڕێكخراویی، بیره نهگوونجاوهكان و قازانج و بهرژهوندیه تایبهتهكانێان خۆ دهرباز بكهن. بێن و له خزمهت قازانج و بهرژهوندیی نهتهوهی دا بهن كه به بێ گۆمان قازانجی ههموو چین و توێژه و لایهنهكانی كۆمهڵگای كورد لهو بهرژهوندیه گهشتییه دایه.
<br />
<br />********************************************************************
<br />ڕۆژی 8 مارس له ههموو ژنانی كورد پیرۆز، به هێوای ئهو ڕۆژه كه ژنان و پێاوانی كورد شان به شانی یهك به بوونی مافی وهك یهك له ههموو ڕادهكانی كۆمهڵایهتی، سیاسی، ئابووری و كهلتوریی دا له كوردستانێكی ئازاد و سهربهخۆ دا بۆ بهختهوهری، سهربهرزی و ئازادی مرۆڤ بێنهكایهوه.
<br />
<br /> <div class="blogger-post-footer"><img width='1' height='1' src='https://blogger.googleusercontent.com/tracker/5663272-107884593958415770?l=shwaniwell.blogspot.com' alt='' /></div>Shwanhttp://www.blogger.com/profile/14636987950716918786noreply@blogger.comtag:blogger.com,1999:blog-5663272.post-1077638496223842552004-02-24T08:01:00.000-08:002004-02-24T08:03:37.483-08:00ئایا له ئاخاوتن به زمانی دایكی خۆتان شهرم دهكهن؟
<br />
<br />ئهوه پرسیاریكه كه له پێوهندی له گهڵ ڕۆژی جیهانی زمانی دایك - كه له لایهن یونسكۆوه ڕۆژی 21 فێوریه به ڕۆژ زمانی دایك ناودێر كراوه - له لایهن BBC له كچه كوردیك له شاری سنه كراوه.
<br />
<br />مهناز له سنهوه: ڕۆژیهك له قوتابخانه پرسێارهكم له مامۆستاكهمان ههبوو، كه ئهو پرسێارهم به زمانی كوردی كرد، بهڵام ماموستاكهم وڵامی ئهو پرسیارهی نهدامهوه و گوتی دهبێت پرسیارهكهت دووباره بكهیهوه، بهڵام به زمانی فارسی جا ئهو كات وڵامت دهدهمهوه.
<br />
<br />پرسینی ئهو پرسیاره به زمانی فارسی بۆ من گهلێك گران بوو، بهڵام ههر چۆنێك بوو كردم. هێندهك له مامۆستاكانمان ههمیشه ئهوان دهڵێن كه له مهدرهسه دهبێت ههمیشه به زمانی فارسی قسان بكهێن.
<br />
<br />زمانی مللیی(ڕسمی ڕهنگه مهبستی بێت) ئێمه فارسێه، بهڵام باشتر بوو كه ئێمه له قوتابخانه به زمانی كوردیش دهرسمان دهخۆێند كه زمانی دایكی خۆمانه، یاخۆ هیچ نهبێت له گهڵ مامۆستاكانمان به كوردی له مهدرهسه ئاخاوتنمان دهكرد، تا مهبستهكانی خۆمان تێدهگهیاندهن و له گهڵێان دانوستانمان پێك دههێنا.
<br />
<br />ههڵبت دهبێت ئهوشمان لهبهر چاو بێت كه له شاریكی وهك سنه كه خهڵكهكهی كورده و ناوهچهیكی كوردنشینه، هێندهك فارس زمانیشمان له گهڵ دهژین و من ئهوه تێدهگهم كه لهبهر وان و لهبهر ئهوه كه دهرسهكان به زمانی فارسین، ههمووی ئێمهش دهبێت به زمانی فارسی قسه بكهێن!
<br />
<br />مهخابن هێندهك له كوردهكان دهستێان له به كوردی ئاخاوتن ههڵگرتووه و حتا له ماڵی به زمانی فارسی قسه دهكهن. له ڕوانگهی منهوه ئهو كاره ههڵهیه، چوونكه ههموو كهس دهبێت زمانی دایكی خۆی فێر بێت و باش بیزانێت.
<br />
<br />یهكێك له هۆكارهكانی ئهوه كه هێندهك له كوردهكان زمانی فارسی له سهرهوی زمانی كوردی ههڵدهبژێرن، دهگرێتهوه بۆ ئهو ڕاستیه كههێندهك له فارس زمانهكان به فارسی قسهكردهنی ئێمه گاڵته دهكهن و ئهوهش كه مامۆستاكانمان ناهێڵن ئێمه له مهدرهسه به زمانی كوردی قسان بكهێن، دهبێته هۆی ئهوه كه هێندهك له قوتابێان شهرم بكهن له به كوردی قسهكردهن.
<br />
<br />من زانینی زمانێكیتر به جیا له زمانی فارسی و ئهوه كه به پێچهوانی هاوكهلاسێه فارس زمانهكانم، زمانێكیتریش دهزانم وهك" ئیمتێازیك" بۆ خۆمی دهزانم، و جاری وا بووه كه له كۆی فارسهكان دابه باشی ههستم بهو " ئیمتێازه" كردهوه و ئهوان له منێان ویستهوه كه بهكوردی بهئاخهفم و فێری كوردیان كهم. بیرهوهریگهلێكی فره باشی لهو چهشنهم ههیه. <div class="blogger-post-footer"><img width='1' height='1' src='https://blogger.googleusercontent.com/tracker/5663272-107763849622384255?l=shwaniwell.blogspot.com' alt='' /></div>Shwanhttp://www.blogger.com/profile/14636987950716918786noreply@blogger.comtag:blogger.com,1999:blog-5663272.post-1076815470954169302004-02-14T19:24:00.000-08:002004-02-14T19:26:22.483-08:00 كا ههباس چه دهبێژیت؟!
<br />له كاتی سهردانی ماڵی پهیف دا چاوم به نووسهراوهكهی پهیف له سهر برگرینامهكهی س.ماكوان له پێوهندی له گهڵ بیر و هزری كا ههباس وهلی كهوت. پاشان خۆم گهیانده ماڵی دیمانه داستانهكهی س.ماكوانیشم به چاوی خۆم دیی! له نووسهراوهكهی س.ماكوان دا وا دهردهكهوێت كه خهڵك له كا ههباسی پروفسۆر، تئیورسیون و ماموستای سیاسهت تێناگهن، له هێندهك مرۆڤی ئاكادمیك نهبێت، هۆكاریشی كهڵۆڵی ئهقڵی كوردیه! دیاره چوونكه من چهند نووسهروایهكی كا ههباسم خوێندۆتهوه و پێشم وایه هیچی به سهر هیچێهوه نیه. پێم خۆشه شتێكی بهڵێم.
<br />
<br />كاكڵ و ناوهرۆكی بیر و هزری كا ههباس له سهر خهباتی دیموكراتیك دامهزراوه. بۆ كا ههباس ڕێگا چارهی ههموو دهردهكان لهو دهلاقهیهوه دهدۆزرێنهوه بهو شهرته كه وڵاتانی داگیركهری كوردستان و كوردستان خاوهنی كۆمهڵگایهكی مهدهنی به هێز و چالاك، دیموكراسێكی ڕادیكاڵ و چهمكێكی نوی له هاووهڵاتی كه له ڕاستی دا ئاڵقهی پێوهندیی كۆمهڵگای مهدهنی و حكوومهته، بن.ئهو كاره چهلۆن دهكرێت، وڵامی كا ههباس ڕوونه: داپڵۆسینی ئیتنیسیته كه ههم ههویهتی حاكم،ههم چهمكی هاووهڵاتی و ههم سنوورهكانی كۆمهڵگای مهدهنی و دهوڵهت دیاریی دهكات و ناوئاخهنێانه، له ههموو ئهو شتانه.ئهوه كه ئهو بۆچوونه چهنده ڕیالیستی یا خۆ خهیاڵیه پاشان لۆی دهگهڕێمهوه
<br />
<br />ڕهنگه زۆر كهس بزانێت كه ( و كا ههباسیش یهكێكه لهو كهسانه) كه له دنیا نهتهوهكان دا هوویهتی دهسهڵاتی سیاسی و هوویهتی هاووهڵاتی ههر دووكێان له سهر بنهمای ئیتنیكی دامهزراون.بهواتهیكیتر ئیتنیسیته ئهو دووانه پێناسه دهكات. پس ههر جهمووجۆڵێك كه له دنیایكی لهو چهشنه دا دهێته ئاڕاوه، ناكرێت له ژێر كارتێكردنی ئیتنیسیته خۆی دهر باز كا، حتا ئهگر ئهو جهمووجۆڵه دیموكراتیكیش بێت ( به خۆشێهوه كا ههباس ئهوش باش دهزانێت)
<br />
<br />دهی تهكلیفی كێشهیهكی نهتهوهیی وهك كێشهی كورد، كه له سهر بنهمای كورد بوون (ئیتنیكی) دامهزراوه چی لێدێتهوه؟ كا ههباس ڕێگا چارهی ئهو كێشهیش زۆر ژیرانه دهست نیشان دهكا. فارس، تورك و ئاربی پێخاوسیش دهبێت ههموو وهیهك ڕا دهست له ئیتنسیتهی خۆیان ههڵگرن و كوردیش ههر دهبێت ئهو كاره بكات، بهڵام كا ههباس ئهوه به ڕاشكاوی نادركێنێت.بهڵكو له پێش دا دهێت پێش ههموو شتێك ژێر پێ جووڵانهوی نهتهوهیی كورد خاڵی دهكات و بهو شێوهیه له ئهردی دهدا.
<br />
<br />چهلۆن؟
<br />كا ههباس پێش ههموو شتێك ئهو شك و گومانه دهخاته دهڵی مرۆڤی كوردهوه، كه تۆ نهتهوه نی. نهتهوه بۆ كا ههباس بهو كۆمهڵه مرۆڤه دهڵێن كه دهوڵهتی سهربهخۆی خۆیان ههبێت. بۆچی وایه، چوونكه ئهوه دهوڵهته كه نهتهوه درووست دهكا و ناسیونالیزم ئیدیۆلۆژی ئهم دیاردهیهیه. ئهو له باری زانستی و مێژوویهوه چهنده دروسته، ئێستاش كه ئێستایه جێگای باس و دهمقاڵهیه. لۆ؟ ئهگر چاو له مێژوو بكهێن، سهر ههڵدانی نهتهوه یهك دهست و وهك یهك نهبووه. بۆ نموونه نهتهوهی فرانسه، و ئیسرائیل دهستكرده و دهوڵهت پێكی هێناونن. كه چی نهتهوهی ئاڵمانی، لههێستانی و چهكهكان وهیتر له ئورووپا پێش ئهوه كه خاوهنی قهوارهیهكی سیاسی له فۆرمی دهوڵهتی نهتهوهیی دا بن خاوهنی هوویهتی نهتهوهیی خۆیان بوون. ههر كهس هێندهكی زانێاریی له سهر ئهو مێژوویه ههبێت، خۆی گێل نهكا و یا خۆ ئاقڵی پێ بشكهی، ئهو ڕاستیه كه من لهسهروه ئاماژم پێكرد به باشی دهبینێت. له زانستیش دا ههر ئێستاشی لهگهڵ بێت پێناسهیهكی دهرووست له سهر نهتهوه نیه و وا دهردهكهوێت كه ههتا ئاخری زمانیش ههر وا بێت. بهڵام لێره دا یهك پرسیار دهێته ئاڕاوه، ئهگر نهتهوه دیاردهیكی بهتهواویی دهستكرده (كه كا ههباس وای بۆ دهچێت) باشتر نیه له خۆمان بهپرسین كه: بۆ دهوڵهتانی نهتهوه سهردهستهكانی وڵاتانی فرهنهتهوهیی له زیاتر له سهدهساڵی ڕابردوو نهیان توانیهوه كهمه نهتهوهكان له خۆیان دا بتوێنهوه و هوویهتێكی یهكدهستایان بۆ پێك بههێنن؟!
<br />
<br />كا ههباس لهو نێوه دا ههڵبژاردنی خۆی كردهوه و دهڵێت كه نهتهوه دهستكرده و كورد ههتا دهوڵهتی نهبێت نهتهوه نیه. ئهوه له باری حقوقی-سیاسیهوه ڕاسته، بهڵام ئهوه ههموو كوردیك دهێزانێت و پێش ئهو كه كا ههباس هێرشی خۆی بۆ سهر ترادیسیون دهست پێ بكا، كورد ئهو بێ ماف بوونهی ههست پێكردوه و له پێناویی وهدهست هێنانی دا خهباتی بۆ كردهوه، بهڵام كورد ههر له سهدهی نۆزدهوه به باشی ئهو ههستی وشیاریی تێدا درووست بووه و گهشی كردهوه كه نه ئاربه، نه فارسه و نه تووركه، بهڵكو كورده و یهك نهتهوهیه.
<br />كا ههباس بۆ جاریكیتر وهك چون ماركسیست-لنینستهكان بزوتنهوهیی نهتهوهیان بهوه تاوانبار دهكرد، كه جووڵانهویكی دواكهوتوو و ترادیسیونێله، بزوتنهوی كورد بهوه تاوانبار دهكات كه له بیر و هزری مودێرنیته بێ بهش بووه و له ڕاستی دا چوونكه ناسیونالیزم و نهتهوه دوو دیاردهی سهردهمی مودێرنیتن، ئهو بزوتنهوانه نهتهوهیی نهبوون. بهڵكو بزوتنهوگهلێكی دواكهوتو و نهریتگهرا بوونه!
<br />ئهوه كه ناسیونالیزم و نهتهوه دوو بهرههمی مودێرنیتهن و له ئورووپاوه هاتوون، هیچ جێگای باس نین، بهڵام بهڕاستی ئهو دهوڵهته نهتهویانه كه لهقاڕهی ئافریقا و له ڕۆژههڵاتی ناوهڕاست و زۆر شوێنیتر دروست بوون، ئاكامی بیر و هزریك بوون كه مودێرنیتهیان دهخۆ گرتووه. تۆ بهڵی وڵاتێكی وهك پاكستان، ئهفغانستان، ئێراق، سوریه و چهندین وڵاتیتر له ئهفریقا و ... بهرههمی سیاسهتی كهلۆنیالیستی بوو بن، یا خۆ بهرههمی سهر ههڵدان و گهش كردهن و پهرههستاندنی مودێرنیته له وڵاتانه؟ سووبحانهڵا ئهگر وڵامهكی نهزانین!! مرۆڤی ئاكادمیكی كورد باشتر نیه بچێت پێوهندی ناسیونالیزم و نهتهوه لێك بداتهوه، بزانێت چه خهبهره؟ چوونكه به مهعلوومی ئهوی كا ههباس باسی دهكا سهقهته.
<br />
<br />كا ههباس لهوه زیاتر دهڕوا، و ڕاپهڕین وخهباتی كوردی تاوانبار دهكات به دووژمنی هوویهتی كوردیی چاویك له قسانه بكهن "پارێزگاری بێگانه و كلیهنتالیزمی ناوهكی كه دوو توخمی سهرهكیی بزووتنهوه ئوتونۆمیهكانن، ههر دووكیان دژی ههویهتی (مهبست هوویهت) كوردین".(بڕوانه كوردهكان و ئهوانیتر، لاپهڕهی12 ).مرۆڤی كورد دهتوانێ جووڵانهوی ئوتونۆمیخۆاز به ههموو شت تاوانبار بكا، بهڵام به دهژی ناسنامهی كوردیی كردن نهتهنیا قهباعته، بهڵكو ئهوپهڕیی بێ ویژدانیه.
<br />ئایا بهڕاستی ئهو ههموو خهبات و كۆلندان و گیانبازیه ههر وا بهئاسانی دهكرێت، بهخرێته خانهی خهیانتهوه؟ ئایا ئهو بزووتنهوانه له ڕاستی ژیان و خهباتی كوردیی دهژ به ناسنامهی كوردیی خهباتێان كردوه؟! كا ههباس به بێ لهبهر چاوگرتنی ئهو ههل ومهرجه دهژوار و ئاستمه كه نهتهوهی كورد تێدا گیر كردبوو، به بێ له بهر چاو گرتنی ههلومهرجی ناوهچهیی و جیهانی و جێگا و شوێنی سیاسهتی كوردیی لهو سهردهمانه دا، پلهقاژهی سهرمهرگی كوردی به بزووتنهویهكی دهژیی نهتهوهیی ناودێر دهكات! تۆ بڵێی ئهگر ئهو جووڵانهوانه نهبایهن، ئێستا كهسێك وهك كا ههباس ههبایه كه بۆ كورد و به ناویی كورد قسهی كردبایه.
<br />كا ههباس له دهرێژی پهرهپێدان به بیر و هزهركهی خۆی ههر بهوهندهش ڕاناوهستی. ئهو ههر لهو كاتهدا خهباتی چهكداریی كورد به بێ ئهخڵاقی ناو دهبات كهچی هێرشی نیزامیی داگیركهرانی وڵات به نامهنتقیی ناودێر دهكات."ڕێگا چارهی سهربازی كه بهبهربڵاوی له لاێهن ئهو دهوڵهتانهوه بهكار هێنراوه شتێكی غهیره مهنتقیی و پهرخهتهره". (بڕوانه كوردهكان و...49 )
<br />
<br />دادوهریی لهسهر ئهو قسانه باشتر وایه بۆ خوێنهری هێژا (ئهگر ڕێگای دهێره كهوت) بهجێ بههێڵم. بهڵام دهگهڕێمهوه سهر سهرتای باسهكهم. كا ههباس له نهتهوهیی باڵادهستی فارس ، تورك و ئارب دهخۆازێت كه دهست له ئیتنیسیتهی خۆتان بهردهن. بۆنموونهچیتر مهڵێن زمانی فارس، مێژوویی فارس، كهلتوری فارس و دهسهڵاتی فارسی. دهی باشه ئهگر كا ههباس بیههوێت فارس ئهو كاری بۆ بكات، خۆ ناتوانێت ههر لهو كاتش دا داوا له كورد بكات بهڵێت ئهمن كوردم، زمان، كهلتور و مێژوویی خۆمم ههیه. مێژوویی چی، ئهونیه ههموو دهستكرده، پڕه له بێ ئهخلاقیه، تۆ خۆ ههر نهتهوه نی به هیوایی چی. كا ههباس ههر وهك ماركسیست-لنینستهكان، ڕهخنهناگرێت، بهڵكو، ههموو ئهو دیارده و دهسكهوتانه و ئهو مێژووه كه ههمانه خهریكه دهڕۆخێنت، بۆ چی؟ چاوهیهك لهو قسانهی خۆاروه كه.
<br />
<br />باسهكه درێژهی كێشا و زۆریشم خهو دهێت، بهڵام بۆ گاڵتهو گهپێش بێت هێندهك قسهی زانایانتان بۆ دهگێڕمهوه.
<br />
<br />كا ههباس له ئاكامی باسهكهی له سهر ئهو گهڵاڵه زانستیهی خۆی دهنووسی:"بۆ زۆر كهس كه بهدڵ هۆگری ڕێگاچارهی سیاسی پێشنیاركراون، بنهمای تئوریكی گهڵاڵهكه دروسته، بهڵام یهكجار غهیری عهمهلییه.بهڵگهی ئهم كهسانه بۆ ئهو مهبسته مرۆڤ نارهحهت، بهڵام له ههمانكاتدا قانع دهكات... چوونكه كهمالیسم، خۆمهینیسم و بهعسیسم، سهڕهڕای جیاوازیه بنهرهتیهكانیان، ههمویان له سهر حاشا لێكردنی ههویهتی كوردی وهك پێداویستییكه بۆ حاكمیتی نهتهوهیی خۆیان پێدادهگرن". ( بروانه ههمان سهرچاوه لا49 ).
<br />
<br />ئهری كا ههباس تئوریهك كه ژێر بنای غهیرعهملی بوونی ڕێگا چارهیهك پێك بههێنت "له دنیای زانستی" بهو تئوریه چی دهڵێن؟ لایهنگرانی ئاكادهمیكت دهبا بهو ههموو تێگهیشتنهوه حتما ئهو پرسیاریان كردبا. خهیاڵ پڵاو، بهڵام بۆ چی له سهر هێز و توانا و گێان و ژیان و شانازیهكانی نهتهوهی ماڵوێرانی كورد. بابه خۆ كوردستان كانگای تاقیكردهنهوه هاتهران پاتهران نیه!
<br />
<br />دهگێڕنهوه كه دهستێك پێشمهرگهی كۆمهڵه به سهركردهی دوكتور جعهفر ( ئهندامی كومیته ناوهندی حیزبی كومونیست ئێران) دهچنه گووندیهك بۆ جهولهی سیاسی. كابرایكی پیری بێسواد ههڵده ستی دهڵێی : كاكه ئهوی ئیوه باسی دهكهن ههر له كتێبان دایه و لهگه ڵ ژیانی ئێمه نایتهوه. ئهو قسهیه دهگاتهوه به كا سهلاح موهتدیی وئهویش تووڕه دهبێت و دهڵی ئهو كابرایه ناماقۆلی كرد. ئهو شتانه ههموو عیلمین و دروستن!
<br />
<br />من ئێستا و ههمیشه پێم وایه مرۆڤی كورد زۆر لهوه زیركتهره و تێگهیشتوتره كه بێ حورمهتی پێبكرێت كه تێناگا. چوونكه ههموو جاریك دهردهكهوێت چه لاێهنێك ناماقووڵی كردوه!
<br />
<br /> شهوتان خۆش
<br />ههر بژی نهتهوهیی مهزنی كورد <div class="blogger-post-footer"><img width='1' height='1' src='https://blogger.googleusercontent.com/tracker/5663272-107681547095416930?l=shwaniwell.blogspot.com' alt='' /></div>Shwanhttp://www.blogger.com/profile/14636987950716918786noreply@blogger.comtag:blogger.com,1999:blog-5663272.post-1075665689248405582004-02-01T12:01:00.000-08:002004-02-01T12:03:07.576-08:00ئهمڕۆ له ههولێر پۆلێكیتر له ڕێبهرانی پارتی دیموكراتی كوردستان و یهكێتی نیشتمانی هاوڕی له گهڵ كۆمهڵێك له خهڵكی بێتاوان له كردهوهیهكی تروریستانه دا بوونه كۆچی قوربانی نیشتمانه خۆشهویستهكهمان. ئهو هێرشه ترسهنۆكانهیه به مهبستی تێكدانی ڕێزهكانی بزووتنهوی نهتهویمان بوو. بهڵام نهتهوهیهك كه له مێژه نیشانی داوه كه نهرخی ئازادیی و سهروهریی خۆی بدا، بهو كردهوانه به چۆكدانایه و له خهبات ههتا ڕزگاریی یهكجاری كۆڵ نادا.
<br />
<br />یادی ئهو شههیدانه و ههموو شههیدانی كورد و كوردستان بهرز و بهڕێز بێت.
<br />یهكگرتوو بێت خهباتی ڕزگاریخۆازانهی نهتهویمان!
<br />
<br /><div class="blogger-post-footer"><img width='1' height='1' src='https://blogger.googleusercontent.com/tracker/5663272-107566568924840558?l=shwaniwell.blogspot.com' alt='' /></div>Shwanhttp://www.blogger.com/profile/14636987950716918786noreply@blogger.comtag:blogger.com,1999:blog-5663272.post-1075213297489325732004-01-27T06:21:00.000-08:002004-02-01T11:43:20.640-08:00ههر چهند زۆرم پێخۆش نیه كه خۆم له گهڵ سیاسهت تێكڵاو كهم و سوێندیشم خۆارد بوو به نازی ڕهسووللهلایه كه خۆی لێ نهدهم. بهڵام بابه خۆ لهكۆڵت نابنهوه. وهههر حاڵ، ئهم ڕۆژانه بۆ هێنده كهس دهركهوتووه كه"كۆمهڵه تازه، كۆنه شورشگیرهكهی"( كوردستانی) ئیران خاوهنی دوو ڕوویه! له گهڵ برا فارسهكان و به زمانی فارسی جۆریك قسه دهكا و له گهڵ كورده ماڵوێرانهكهش به شێوازیكیتر دهئاخهفێت. هێندهك لایان وایه ئهو ڕێكخراوه نازانێت چه دهكا و قێرانێكی ههیه كه دهێشارێتهوه!
<br />بهلای منهوه زۆر گرینگ نیه ئهو كومهڵهیه چه دهكا و بهرو كام ئاسو دهڕوات. ئایا ئهوانه بایان داوهتهوه بۆ كوردایهتی كه تا پێش بادانهوهكهیان بیر و خهباتی كوردایهتیان پی پیس و پاشكهوتوو بوو. یان خۆ ههر شوڕشگێرانی ڕێگای سوسیالیزم و كومونیزمن، بهڵام چیتر به كوردایهتی ناڵێن پیسه. چوونكه لۆ من زۆر ڕوونه كه: پهرههستاندهن و دهوڵهمهندی هوشیاری نهتهوهیی، له كوردستان و زاڵ بوونی ئهو بیره پیرۆزه، له ڕاستی دا بوو به هۆی ئهوه، ئهو كۆمهڵه تازه\كۆنه زوو و به پهلهقاژه سازبكرێت تا له كاروانی بهدهستهوگرتنی قوودرت له كوردستان دا له دوا ڕۆژ دا له دوا نهكهون. لهو پێوهندیه دا هێندهك له ڕێبهرانی هووشیار و زانای حیزبی كومونیستی مێشتپه و كۆمهڵهكهی و هێندهك لاێهن و خهزم و كهس، بهباشێان زانی له گهڵ نهتهوهی كورد و بیریی نهتهوهیی ئاشت بنهوه. چوونكه ئهو درووشم و هاتوو هاواره كمونیستی و كرێكاریه كه قهت له كوردستان هێزی بزوینهر نهبوون بۆ كوردان، ئێستا هیچ نهرخێكێان نهمابوو.
<br />
<br />لێره دا پرسیاریهك بۆ من دهێته ئاڕاوه، ئهویش ئهوهیه:كۆمهڵه تازه\كۆنه و ههر ئهو ڕیبهرایهتی ئێستا لهههمبهر كار وكردهوه و بیر و بۆچوونهكانێان چهنده ههست به برپرسایهتی دهكهن؟ تۆ بهڵێی ئهوان خۆیان به وڵامدهر بزانن له ههمبهر كارهكانێان؟! ئهگر وڵام بڵهیه، دهی باشه ئهگر وایه، بۆ ههر ئێستاش خۆیان به ڕێبهریی كرێكاران و زهحمهتكێشان و "جنبش ئینقلابی كوردستان" دهزانن.باشتر نهبوو ئهوان له كار و كردهو بیرهكانی خۆیان، ئهو ئاكامهیان گرتبا و چووبانهوه ماڵه خۆیان؟!
<br />كهس ههیه له ئهوانه بهپرسی: ئهری كاكی براینه، ئێوه كه دهركێكی ناتهواوتان(سهقهت) له ماركسیزم ههبوو(1)، ئێوه كهخۆشتان نهتان دهزانی كه ماركسیستن یا مائۆیست یان كوردایهتی دهكهن، ئهێ چهلۆن كۆڕان و كچانی كوردتان به قین و ڕقی شوڕشگێرانهی كمونیستی پهروهرده دهكرد و له دهژێ لایهنێكیتری كوردی ڕاتاندهگرتن.
<br />
<br /> ئاكامی سیاسهتێك كه ئێوه به دهرووستكردنی حیزبی كمونیستی مێشتپه گرتانه بهر، بریتی بوو له به فێڕۆدانی هێز و توانایهكی مهزنی كوردیی، كه دهێتوانی سهرمایهكی مهزنی نهتهوهیی كورد له ڕۆژههڵات پێك بههێنێت. شێواندنی بیر و فكری نهتهوهیی له نێو لاێهنێكی برچاو له كوردستان دا، داڕشتنی بنهماكانی فكریی و ئیدیولوژیكی شهڕیكی چینایهتی كه لهڕاستی ژیانی كوردستان دا له هیچ كۆلهكهیهكی تهڕ دا نهبووه و قوربانی كردنی زیاتر له 500 لاویی كورد لهو شهڕه بێناوهڕۆكه دا ( لایهنی دیموكراتم نهژماردووه). له كاتێك دا به پێ ئهو زانێارانه كه له دهست دایه، كۆمهڵه تا ئێستا كهم تا زۆر، زیاتر له 1500 قوربانی له سهریك داوه! به واتهیكیتر، ئێوه یهك له سێ مرۆڤی كورد كه له دهستان داوه، له شهڕی كوردیی دا كۆژراوه. لهوش گهڕێن كه بهشێكی زۆری لاوانێك كه له گهڵ ڕژیمی ئیسلامی دا گێانێان بهختكردوه، به درۆشمی بژی حیزبی كمونیستی ئێران و بژی سوسێالیزم له دهست چوون، نهك به دروشمی بژی كوردستان!
<br />
<br />ئێستا پرسیار ئهوهیه كهسایهتی و ڕێبهڕاتهیهك كه له ژیانی سیاسی خۆیان دا ههڵهی ئاوا ماڵوێرانكهر و پشت شكێنێان كردووه، بهڕاستی شێوایی ئهون كه ههمیسان بهبنهوه پێشقهڕاوڵی بزوتنهوه یا خۆ ڕێكخراوهیهك؟ئایا ئهندامانی ڕێكخراویكی ئاوا كه له ژێر ڕێبهرایهتی ئهو چهشنه دان، نابی مافی ئهوه بهخۆیان بهدهن كه بڕێك بیر له خۆیان بكهنهوه و نیشانی بهدهن كه ئهوان داردهست و گۆلهمست وتهنیا هێزیكی ڕهش و بۆر نین. باشتر وا بوو كه ههموو بهرپرسانه لهگهڵ كار و كردهوكانی خۆیان ڕووبهڕوو بانهوه و وڵامدهریش بان. چونكه من دڵنیام ههر ئێستا ئهندامانی ههموو لهق و پۆپهكانی لێك دابڕاوی حیزبی كمونیست ئهگر دهستهڵات و هێزیی چهكداریان ههبێت، دهكهونه گێانی یهكتر، كهچی ئهوانه ڕۆژیك له ئهشكهوتهكانی كوردستان وهیكڕا سروودی ئینترناسیونالێان دهخوێندهوه!!
<br />
<br />به لای منهوه زۆر گرینگ نیه كه مرۆڤهكان یا ڕێكخراویهك سهر به كام بیر و ئیدیولوژین، بهڵكوو بۆ من ئهوه گرینگه كه ئهو مرۆڤ و ڕێكخراوانه چهنده ههست به برپرسایهتی دهكهن وچهنده بهخاون دهردهچن له بیر و كار و كردهوهكانێان و چه ئاكامێك لی وهردهگرن. ههست به بهرپرسایهتی كردن، شتێك كه له نێو كوردان دا بهدهگمهن ههیه، نهخۆشی سهرهكی كۆمهڵهیه و هیچیتر! كهسانێك بهو ههمۆ ههڵه زهق و بهرچاوه له ژیانی سیاسێان داكه ئاكامی زۆر خراوی لی كهوتۆتهوه، شێوایی ئهو نین كه جاریكیتر بهبنهوه قارمان، بهڵام خۆشتر بوو كه خۆشێان زانیبایان.
<br />
<br /> =================================
<br />1. كۆمهڵه (1981-1979) به هۆی تێنگهیشتنێان له ماركسیزم لنیزم (كه ئێستاش بهڕاستی هیچی لێ تێناگهن) له جێگایهك دا (پێم وایه به قهڵمی عهبدوولله مهتدی) دهنووسێت كه تێگهیشتنێكی سهقهتێان(ناقس به فارسێهكهی) لهماركسیزم-لنیزم ههیه! كهس نهبوو ئهو كات لهو خهڵكه بپهرسێت، ئهی باشه ئێوه كه نازانن ماركسیزم-لنینزم چێه، چهڵۆن منداڵی خهڵك لهێ ڕێگایه دا بهكۆشت دهدهن؟!!! <div class="blogger-post-footer"><img width='1' height='1' src='https://blogger.googleusercontent.com/tracker/5663272-107521329748932573?l=shwaniwell.blogspot.com' alt='' /></div>Shwanhttp://www.blogger.com/profile/14636987950716918786noreply@blogger.comtag:blogger.com,1999:blog-5663272.post-1071409125279337672003-12-14T05:38:00.000-08:002003-12-14T05:39:34.436-08:00ئهمڕۆ بهڕاستی ڕۆژیكی خۆشه. یهكێك له هارترین و گهندهڵترین دوژمنانی نهتهوهكهمان، بێدهستهوستان، تێكقرماو و بهزیو كهوته داوی هاوپهیمانهوه له ئێراق. بهو هێوایه ئهوه چارهنووسی ههموو دوژمنان و داگیركهرانی كوردستان بێت. بژی كورد و كوردستان. <div class="blogger-post-footer"><img width='1' height='1' src='https://blogger.googleusercontent.com/tracker/5663272-107140912527933767?l=shwaniwell.blogspot.com' alt='' /></div>Shwanhttp://www.blogger.com/profile/14636987950716918786noreply@blogger.comtag:blogger.com,1999:blog-5663272.post-1071395644631850702003-12-14T01:54:00.000-08:002003-12-14T05:44:54.030-08:00بهر بهیانێكی خۆشه. من كه بهیانان زوو له خهو ههڵدهستم، ههستێكی تایبهتیم ههیه. كهیفخۆشم و ههست به زیندوو بوونێكی تهواو دهكهم. ههموو شتهكان ( چه سهرووشتی و چهدهستكرد) له بهیانان دا لهبهر چاوم جوانن. تهنیا ساتێك له ژیانم دا كه قهت ناحهزی نابینم، بهیانیه!
<br />شهوی ڕابردوو له شوێنێك بووم. كۆمهڵیك سیاستوانی به ساڵداچوو، سیاستمداری تازهپێگهیشتوو، و كۆیهك مرۆ كه دڵنیام له داهاتوویكی نزیك دا دهبنه ڕامێاری وڵات لێك كۆ بهبوونهوه. هیچ شتێك نهما باس نكری، هیچ ڕێگایهك نهما بهتاقی نكرێتهوه، بهڵام ئهو مهبسته كه دهبا پێ گهیشتبان،پێ نهگهیشتن! چه باشتر پاش ئهو ههمو دهمهقاڵه بێئاكامه، قاوهیهك، چایهك، چگارهیهك به نۆش گیان كرێت.
<br />
<br />ههر لهو كێنوو بێنهدا باسی پاڵتاڵك هاتهگۆڕ. ئهری كاكه دهی بۆ پاڵ؟، ئهری برا ناوات چیه له پاڵ؟ ئهری پاڵهت پێ چلۆن شتێكه؟! بهزمهكه گهرم بوو، ههركهسه ناوی خۆی دهركاند. ئیوا بوو ههڵدهستا لا گووپی ئهویتری ماچ دهكرد، یهك بۆخۆی بانگی یهكیتری دهكرد: كۆڕه وهر ئهوتا فڵانهكهسی سهر پاڵ. ئیوا بوو كه ناویكی دهبیست ناوچاوانی گرژ دهكرد و بهخشكه دهڕۆی بۆ لای كۆیهكیتر. ههر كهس به جۆرێك باسی له پاڵتاڵك دهكرد. هێندهك پێان باش بوو، هێندهك به هۆی ماڵویرانكردهنی زۆر كهس و بنهماڵهیان دا دهنا.
<br />
<br />منیش بیری ئاشنا بوونم له گهڵ پاڵتالك و بیرهوهریهكانی ژیانی پاڵتالكیم كهوتهمهوه. پێم وایه دوو ساڵ لهمۆبهر بوو كه بۆ هێندهك كار و بار چوو بووم بۆ وڵاتێك.لهوی برادهریك له گهڵ پاڵتالك ئاشنای كردهم و ناوی نههینی خۆی پێگووتم و سویندی دام كه دهبێ منیش لهو ڕێگایهوه لهگهڵی له پێوهندی دابم. منیش ههر ئهو كارم كرد.
<br />منیش وهك زۆریك له كوردان ههرچهند له سیاست حاڵی نهبووم، ههر كه خۆم دهگهیانده پاڵتاڵك خێرا خۆم بهژووره سیاسیهكان دا دهكرد. ههر جار ناجاریك دهستم ههڵدهبڕی و بهكهیفی خۆم قسهم دهكرد و عهرش و قۆرشم لێكدهداوه و پاش تهواو بوونی قسهكانم بهههناسه بڕكه دههاتمهوه خۆاری. دهست خۆش و دهمخۆش بزهی دهخسته سهر لێوانم و له خۆشیان جاری وا بوو تا ئاسمانی حهوتهمی گیر نهدهبووم! كار گهیشتبوه جێگایهك كاتێك لهو ژوورانه وهژوور دهكهوتم، خێرا وهك گۆرانی داوكراو داوایان لێدهكردم كه بچمه سهر و هێنده فرامایشتان بهڕهڵا كهم!
<br />ههرچهند ههستم بهوه دهكرد كه كات و ساتێكی زۆرم له سهر پاڵتاڵك ڕادهبۆارد، بهڵام ئهو دنیا تازهیه ئهوهنده خۆش بوو مهگر خۆدا بزانێت. چی وای پێ نهچوو كه ڕۆژیك داوام لێكرا كه شهویك باسێكی سیاسیی پێشكێش بكهم. ههر ئهو كارهشم كرد!
<br />باسهكه به قسهی خهڵكانی سهر پاڵتاڵك زۆر سهركهوتوو بوو.بهڵام ههر ئهونده بس نهبوو. ههر شهویك دوای ئهو باسهمن لهگهڵ ڕۆیكیتری پاڵتاڵك ئاشنا بووم. ئهو شهوه ناوهیكی كچانه پهیمایكی تایبهتی بۆ ناردهم و ههست و سۆزیكی زۆر جوان و گهرم و گۆری بۆ دهربڕیبووم. منێش زۆر شهرمێونانه سپاسم لێكرد، بهڵام ئهگر ڕاستیت بهوێت نهمدهزانی چۆنی وڵام بدهمهوه.
<br />ههر چهند بیستبووم لهو كارانه لهم دنیا تازهیه زۆر دهكرێت، بهڵام ئهوه بۆ من یهكهم جار بوو. خۆشهویستی و ئهوینی دیجیتال شتێك بوو كه من به تهواوی لهگهڵی نامۆ بووم. من كه له خۆشهویستی كهلاسیك دا سهركهوتنێكی ئهوتۆم نهبووه، ئهو شێوه تازهیه دهێتوانی ڕێگای دهربازبوونێكی باش بێت. بهڵام چلۆن؟!
<br />
<br />كاتێك ڕووم له شاخ كرد، خۆشهویستكهم بانگ كرد و وتم ئهو من دهڕۆم. نابی، كاری وا نابی. هیچ ڕێگایهك نهماوه دهبێت ماڵئاواێت لێ بكهم. باشه ئهگر وا بێت منێش لهگهڵت دهیم. بۆ دهی؟ لهبر تۆ. نا ئهوه بڕیاریكی درووست نیه. ژیانی شاخ و داهاتووی ئهو ژیانه زۆر لهوه نادیارتره كه تۆ لهبر من ههستی بێت. باشتر وایه بمێنێهوه دهرس و دهورهكهت تهواو كهی. نا پێویست ناكا من ههر دهێم. نابێت........
<br />له شاخ دڵم بو به داوی كێژیكی چیایهوه. بهڵام دیسان باڵهفركی و بزۆزی من وای كرد ئهویش جی بههێڵم.دیسان لهگهڵ ویش دانیشتم. گووتم، من ئهوه دهڕۆم، ئهگر دهخۆازی وهره بڕۆێن. نا من كاری وا ناكهم. من ئێره جی ناهێڵم! وهره با بڕۆێن، من دڵنێام دهگرێنهوه، رهنگه به دهستێكی پڕتر بگرێنهوه. نا نابێت. باشه بۆ تۆ منت خۆش ناوێت؟ با خۆشم دهوی. ئهی بۆ ناییی لهگهڵم؟ باشه تۆ ئهگر من و كوردستانت خۆش دهوێت بۆ بهجێمان دههێڵی؟ ههر دووكتانم خۆش دهوێت، بهڵام من بڕیارم داوه بڕۆم تا بهدهستێكی پڕتر بگرێمهوه! دهی باشه پێرۆزت بێت، سهركهوتوو بێت، بهڵام من ناێم له تهكتا!
<br />
<br />ئهو جۆره خۆشهویستی و ئهوین و ناكامێیهكانیم دهناسی، بهڵام ئهویان بهتهواوی بۆم نامۆ بوو. لێم مهپرسه چه پێناسهیهكم بۆ ئهوین ههیه، ئهو ههویره ئاویكی زۆر دهبا، ئهگر ڕاستیشت بهوی ههر نازانم چلۆن مرۆ دهكاری ئهوین پێناسه بكا. بهڵام خۆشهویستی ههستێكه بۆمن just feeling. هیچیتر. دهی باشه ئهو ههسته لهو دنیا تازهیه دا چۆن پێكدهێت، نازانم. له كیژی پاڵتاڵكم پرسی تۆ چۆن شتی وا بۆ من دهنووسی. ئاوا وڵامی دامهوه، تهنیا ههست، من ههست به تۆ دهكهم. ئهو بهزمه دهریژی ههبوو، ههر جار ناجار، دهكهوتینه قسان لهگهڵ یهكتر. باسی خۆی بۆ دهكردم. ڕۆژیك منی له شوێنێك دهیبۆ. پاشان بۆی گێڕامهوه كه منی دیووه و لهو كاتهوه هیچ شهویك نیه به یادی منهوه نهچی ده جێگاوه! منیش له سپاس و پێزانین چیترم بۆ وهتن پێنهبوو. باشه تۆ بۆ هیچ ناڵی؟ چی بهڵیم من تۆم نهدیوه، نازانم تۆ كی، كهچی تۆ منت دیوه، دهمناسی. بهڵام تۆ بۆ من زۆر نادیاری، ههر زۆر زۆر. ڕاست دهكی باشه بهڵام ئێستا زویه، ڕۆژیك هاتوو پێگووتم: ئهوه دهچم بۆ سهفر، دهچمهوه بۆ كوردستان، دڵنیا به لهبیرت ناكهم....
<br />
<br />یادی بهخێر! <div class="blogger-post-footer"><img width='1' height='1' src='https://blogger.googleusercontent.com/tracker/5663272-107139564463185070?l=shwaniwell.blogspot.com' alt='' /></div>Shwanhttp://www.blogger.com/profile/14636987950716918786noreply@blogger.comtag:blogger.com,1999:blog-5663272.post-1069684295419807702003-11-24T06:31:00.000-08:002003-11-24T06:32:04.793-08:00قهت ههبووه له ژیان دا كه نزیكترین هاوڕێكانت ئهو كهسانه بن كه ناخۆشیان ویستووی و ڕهنگه له هێندهك جێگا به خوینی سهریشت توونی بوو بن؟!! راستی ئهو نهقڵه له خۆم رووی داوه.
<br />من باشترین و نزیكترین هاواڵهكانم كه ئێستاش نه دوور و درێژی مهودا و نه یهكتر نهدیتنی بێ پسانه كاری نهكردۆته سهر پێوهندی ئێمه و زۆر به تاسهی دیتنی یهكترین، راست ئهو كهسانه بوون كه كاتێك یهكترمان له نزیكهوه ناسی و بووین به هاوری یهكتر، یهك به یهك دهركاندیان كه پێش ئهوه كه من له نزیكهوه بناسن، زۆریان ڕهق لهمن بووه و زۆر جاریش لایان خراو نهبووگه، ئهگر بهشێ چهند مهست و پێلاقهیهكیشم تێسرهوێنن!!
<br />
<br />كاتێك دهمپرسی: كاكه لۆ برا؟ ههر كامه وڵامێكی دهداوه. تو زۆر مرۆڤێكی دهمارگرژ دیاری له دووروه، تۆ زۆر له لووتبهرز و خۆ بهزلزان دهێه پێش چاو. خوێنتاڵ بووی و ...!!!
<br />
<br />كاتێك جێی گۆڕكێم كرد و له ڕۆژههڵاتهوه بو باشووری وڵات چووم، لهوێش خهڵكێكی زۆر منێان ههر بهو جۆره دهدیت كه هاوڵهخۆشهویستهكانم منێان دیبوو! لهوێش هاوڕیكی زۆر خۆشهویستم (یادی بهرز وبهڕێز بێت) لۆ پهیدا بوو كه له پێش دا منی زۆر لا به دڵ نهبوو و وهك خۆی گووتهنی"ئهگر چاوی خۆم بای دهرم دێنای"!!
<br />
<br />ههر چهند بهلامهوه زۆر سهیر بوو كه بۆ دهبێت من ئهونده ناشیرین بم له چاو ئهو خهڵكه، بهڵام زۆرم بهلاوه گرینگ نهبوو و ههر وهك خۆم مامهوه!! ههڵبت ئهوش بهڵێـم كه من مرۆڤێكی یهكجار لهسهرخۆ و هێدی وهێمنم، ڕێز و حورمهتی ههموو لایهكم تا بۆم كرابێت پاراستووه و قهت مرۆڤێكی شهڕفرۆش و زمان پیس و دهم درێژ نهبووم. ههر بۆیه ئهو پێكهره كه خهڵك له منێان سازكردبوو، ههر فڕیی بهڕاستێهوه نهبوو.
<br />
<br />كاتێك له كوردستانهوه بهرهو جیهانی ڕۆژئاوا ڕام كرد و له گۆشێكی ئهو سهرزوهیه گیرسامهوه، بۆ ماوهی دهساڵ له گهڵ ئهو پێناسه دهركی خۆم ماڵئاویم كرد بوو، ههتا دوو ڕۆژ لهمهوبهر. ڕۆژی دووشهمۆ له ماڵێك بانگهێشتن كرا بووم.
<br />من ئهگر ڕاستیت بهوێت پێوهندیكی ئهوتۆم له گهڵ كوردان نیه لێره. تهنیا له ڕێوڕسمگهلێكی سیاسی و كهلتووری دا(ئهویش ئهگر بهچم) تووشی كوردان دهبم.
<br />
<br />لهو ڕێوڕسمانه لهگهڵ هێندهك كهس ئاشنا بووم، بهڵام دیتنهكان و نزیك بوونهكان ههر له ڕادهی ئهو ڕێوڕسمانه دا مانهوه. ههر چهند ئهو ئاشنایان گهلێك پێانخۆش بوو كه پێوهندیهكه چڕ وپڕتر بكهن، بهڵام من مهلم پێ نهدا و ههر لهو ڕادهیه دا ههێشتمهوه. لهو مێوانیهش دا یهكێك لهو ئاشنایانه بهشدار بوو. خێرا هاته لام و كهیف خۆش بوو به دیتنم. قسهو باسهكان گهرم بوون و ههر كهس سهرهی قسهی دههات عشری به سیاسهت دهكرد. دهمهچهقهو چهڕه دووكهڵی سیاسی و سیگار ژووركهی قانگ دا بوو. منیش به ئاشناكهم گووت: كاكه ئهگر پێت خۆشه با ئێمه بچینه باڵكۆنهكه. پێكهوه ڕوومان كرده باڵكۆنكه.
<br />
<br />ئاشنا دهستی كرد به گهله وگازهنده، كه لۆ سهریكمان لێ نادهی، بۆ لێمان ناپرسی ... منیش هیچم نهبوو بۆ وڵام لهو زیاتر كه بم بووره لۆم نهكاروه و نهگوونجاوه... ههر چۆن بێت باسهكه گۆردرا و ئاشنا پرسێاری كرد دهباشه كهنگێ پهڵاویكمان دهدهی براله هێندهك پهله بكا؟ منیش وهتم كاكه پهله مهكه، ههرجی له سهر سهبرانه له سه ر خێرانه!
<br />
<br />گوتی كاكه با شتێكت پێ بهڵێم ڕێزیكی زۆرت ههیه و خهڵك پێان وایه كه زۆر ئاقل و زیركی. زۆر كهسیش ههن كه بهخێلی به تۆ دهبهن، بهڵام زۆر خۆشهویست نی له نێو خهڵكی دا! سهیر بوو، ئهی هاوار من ئهگر له ساڵ دا جاریك له جێژنێك بهچمه نێو كوردان ، ئهی باشه بۆ خهڵك خۆشی ناوێم. كاكه دهڵێن لهخۆ ڕازی و خۆبهزل زانه. وهنازانێت كهس ههیه لهو دنیایه له خۆی زیاتر نهبێت.
<br />باشه كاكی ئاشنا خۆ ئهو كهسانه كه ئهو قسانه دهكهن بۆ جاریكش لهگهڵ من قسهیان نهكردوه و له نزیكهوه ههڵسووكهوتێان لهگهڵ نكردووم، بۆ دهبێت وا بیر بكهنهوه.
<br />
<br /> شهو له كاتی گهڕانهوه بۆ ماڵ كهوتمه بیری ئاشنا بوون لهگهڵ باشترین هاۆاڵهكانم، كه ئێستا منداڵهكانیان پێم دهڵێن مامه و ههر جارناجار وینهكی جوان بۆ مامی نهدیوو نهناسیوو دهكێشنهوه، دهێنێرن و پرسێار دهكهن داخۆا دهگرێمهوه بۆ لایان.
<br />له ماڵی چوومه بهر ئاوینه و چاویكم له قهدو باڵا و ڕووخساری رهزاگران،خوێنتاڵ و خۆبهزل زان كرد. كه تهماشام كرد به خۆی پێدهكهنی. <div class="blogger-post-footer"><img width='1' height='1' src='https://blogger.googleusercontent.com/tracker/5663272-106968429541980770?l=shwaniwell.blogspot.com' alt='' /></div>Shwanhttp://www.blogger.com/profile/14636987950716918786noreply@blogger.comtag:blogger.com,1999:blog-5663272.post-1068734437515950732003-11-13T06:40:00.000-08:002003-11-13T06:40:55.966-08:00خهباتی ڕزگاریخۆازانهی نهتهوهی كورد له درێژای تهمهنی خۆی دا زۆر ههوراز و نهشێوی بڕیوه و به پێ توانا مادهی و معنویهكانی خۆی توانستی خۆی بۆ بهرنگار بوونهوه له ههمبهر داگێركهرانی كوردستان دا و راگرتن و پارێزگاری كردن له هویتی نهتهوهیی خۆی، نیشان داوه و مهلكهچی داگیركهرانی كوردستان نهبووه. یهكێك لهو بزووتنهوه بههێزانه كه له ههموو كوردستان دا مایه دڵخۆشی نهتهوهی كورد بوو، بزووتنهوهی سهربهخۆیخۆازی "پكاكا" بوو. پكاكا له سهرتای ساڵهكانی 1990 دا توانای بۆ جاریكیتر نیشانی بدا كه نهتهوهی كورد ئامادهیه بۆ سهربهخۆی سیاسی خۆی له شكڵی دهوڵهتێكی نهتهوهیی دا ئامادهی ههرچشنه گێانبازی و قووربانی دانێكه. له كاتێك دا بهشێكی زۆر له خهڵكی كوردستان چاوهڕۆان بوون كه پكاكا ئهو ویسته ههتا سهر ڕێبهرایهتی بكا و له ههموو بوواریهك دا پشتێوانێان لێدهكرد، بهڵام به ڕفاندنی ڕێزدار ئۆجهڵان له لایهن توركیهوه و چۆك دادانی ئهو بهڕێزه له ههمبهر سیاسهتی توركیه دا، ههموو شتهكان بهتهواویی گۆڕان و سهربهخۆیخۆازی و ویستی دهوڵهتێكی نهتهوهیی چوو ده خانهی خهون و خهیاڵاتهوه!
<br />ئووجهڵان ههر له بهرگرینامهكهی دا زۆر ژێرانه ههوڵ دهدا كه تهواویی ئهو ڕێگاچارانه كه یهكیتی خاكی توركیه دهپارێزن و پێش به سهركوتنی بزاوی نهتهوهیی كورد دهگرن، بۆ توركهكان ڕۆ بكا و بهڵنێان پێ دهدا ئهگر نێكۆژن دهتوانێت یارمهتیدهریكی باش بێت له پێناوی ئهو مهبستانه دا.
<br />كاردانهوهی ئهو دهست به سهر بوونی ئووجهڵان چهند ڕۆژ پاش گیرانی له نێو ڕێزكانی پكاكا دا ڕهنگی دایهوه. ئووجهڵان كه له راستی دا پاش گیرانی دهبا ڕۆڵی سیاسی ئهو وهك بهڕیوبهریكی مهیدانی و ڕێنیشاندهر كۆتایی پێ بێت، وهك ههمیشه سهكردایهتی سیاسی پكاكای له بهندیخانهوه وهئهستۆی خۆی گرت و بیر و بۆچوونهكانی بێ ئهولا و ئهولا له ناو پكاكا دا بهڕیوهدهچوون.
<br />ئووچهڵان دهستی له سهربهخۆی و دهوڵهتی كوردی ههڵگرت، خهباتی نهتهوهیی دایه بهر هێرش و به نهتهوهپهرستی پاشوهڕۆ ( كه كهس نازانێت چیه!!) ناودێری كرد. پكاكاش وای كرد. ئهوان كه تا پێش ئهو كارهساته خهریكی لهت لهت كردنی دهوڵهتی توركان بوون، ئهوجار دهستوریان پێ دهرا به ههموو هیز و توانایانهوه بۆ پارێزگاری له یهكیتی توركیه خهبات بكهن. جوودای خۆازی و خهبات بۆ دهوڵهتی كوردی كاریكی تاوانبارانه و دیموكراتیزهكردنی میراتهكهی ئاتاتورك بوو به ئهركی كورده بستهزمانهكان. لهو ڕێگایهدا دهبێت كورد زۆر له توركان ئازایانهتر و به ههموو هێز و توانایانهوه كار بكهن.
<br />پكاكا خۆی ههڵدهوشێنهتهوه و كادك له دایك دهبێت. كادك كه بهرههمی قیرانێكی فكریه، ههموو هێز و توانای دهكار دهكات بۆ ئهوه دهوڵهتی توركیه له خۆی ڕازیی بكات و گێانی سهرۆك بهپارێزیت. له ماوهی ژیانی كادك دا دهیان پرۆژهی چارهسهریی دهێنه ئاڕاوه و جهماوهری خهڵكی باكووری كوردستان بهوپهڕی ئهمگناسی و لهخۆبردوویی لهو پرۆسه دا دێنه كایهوه، كهبداخهوه لهماندوو بوون زیاتر، چی هیچ ئاكامێك نادهنهوه. ڕێزدار ئۆجهڵان له بهندیخانه ڕا بهو ئاكامه دهگا كه كادك و كۆنگری نهتهوهیی دهبێت ههڵوشێندرێنهوه و گۆنگرهی گهلی كوردستان پێك بێت.ڕێبهرایهتی كادك به قسهی دهكهن و كادكێش ههڵدهوشێنهوه( ڕۆژی دووشهمۆی ڕابردوو كادك ئهمری خۆدای بهجی هێنا). چهند پارتی له ڕۆژههڵات و ڕۆژئاوا و باكور و باشوور له دایك دهبن. یهكێك له خاڵهكانی بهرنامهی سیاسی ئهو هێزه تازانه بریتێه له: دهژایهتی لهگهڵ جوودای خۆازی و نهتهوهپهرستی!! و دیموكراتیزهكردنی وڵاتانی داگیركهر!! ویستی سهركی ئهوان تهنیا لهشساخی ڕێزدار ئووجهڵانه و ڕێگا دان بهو كه له بهندوه ڕیگایان پێ نیشان دا!!! ( خبهركانی ڕۆژانهی مێدیا تیفی).
<br />
<br />سهیره هێزیهكی نهتهوهیی له دهژی جودای خۆازی و ناسیونالیزم بێت! كهس نیه لهو برادهرانه پرسێار بكات كه خاڵۆ ئێوه كه بۆ دیموكراسی و مافی هاوڵاتی شهڕ دهكهن( كه له ڕاستی دا هیچ ڕێگاچاریكی ڕاستهخۆ نین بۆ كێشهی نهتهوهیی). به چه مافێك له دهژی مافی جوودا بوونهوه ڕادهوستن؟!!
<br />ئهو باسه كورته له ڕاستی دا بۆ ڕوونكردهنهوهی بیر و باوهڕیكی قێراناوی كه لهو پهڕی سهرلێشێواویی دا هێز و توانای كوردی به لێشاو به خسار دهدا نێه، بهڵكو زۆرتر دهڵهخۆرپه و ترسێكه كه من زۆر پهرێشان دهكا. ئهویش ئهویه كه ئایه توركیه خهریك نێه به دهستی كورد جاریكیتر ماڵی كورد وێران دهكا؟!
<br /> <div class="blogger-post-footer"><img width='1' height='1' src='https://blogger.googleusercontent.com/tracker/5663272-106873443751595073?l=shwaniwell.blogspot.com' alt='' /></div>Shwanhttp://www.blogger.com/profile/14636987950716918786noreply@blogger.comtag:blogger.com,1999:blog-5663272.post-1068248852627246112003-11-07T15:47:00.000-08:002003-11-07T15:47:30.260-08:00بهو مانگه رهمهزانه و مووباركه بیری ئهو شێعره جوانهی مهلاغهفوری حاڤزی مههابادی كهوتمهوه كه به ناوی "ناحهز و جوان" ناسراوه، ههر چهند پێوهندیك له نێوان رهمهزان و ئهو شێعره دا نابینم. لێره دا بهشێك له شێعره دهنووسمهوه كه له بیرم ماوه. لهو شێعره دا جوانی وهفریای ناحهزی دهكهوێت و تێكههڵكێشی ئهو دوانه شێعریكی فره جوانی لێده كهویته وه
<br />
<br /> ناحهز و جوان
<br /> تا بژیم تێت دهبڕم خاوهنی جوانی و دهسهڵات
<br /> چاوی ئاوات و هیوام ئهی گوڵی سهرتۆپی وڵات
<br />
<br /> دا دهمركێ كوڵی دڵ تاوێكی رێت خهم چده بێ
<br /> به سهری نوكی زمانم له بنی پهنجهیی پات
<br />
<br /> رۆژی ههڵكهوته دهجا بێ گوڵهكهم تێت را كهم
<br /> له ترۆ مبیلی فیداكاری بهرهو كۆڕی خهبات
<br />
<br /> لێت دهبهم جاری به بێدهنگی نهچی بیكهیه قاو
<br /> نێوی هاوكاری له گهڵ شوڕشهكهی ................
<br />
<br /> یاری شیرین دهوهره تا زووه تا لێت نهچووه
<br /> تهمهنی جوانی بژین پێكهوه تا كهی به تهمات
<br />
<br /> گیانهكهم خۆ تۆ ههزار جار پترت داوه به من
<br /> قهولی بێ كردهوه ههر وشكه تریتم به هیوات
<br />
<br /> كهنگی بۆم دا دهكهنی خۆمی به سهر دا كێشم
<br /> كهوشهكهت ماچ كهم و سهر دانێمه بهر پێت كز و مات
<br />
<br /> لێت نهچێ رهنگه له بهر تهنگی ئهشێ بۆت تهركهم
<br /> دهسته نهرم و شلهكهت بازنه ئازاری نهدات
<br />
<br />::
<br />::
<br /> ههر نهبێ تاقه یهكێكم دهیه با خۆم نهكوژم
<br /> لهم ههمو دهسره كه پێی دهسری دهم و لێوی نهبات
<br />
<br /> حهز دهكهی جارێ بژیم بۆم وهره پێش با تێی نێم
<br /> دهم له نێوانی مهم و سینه وهخۆم ئاوی حهیات
<br />
<br /> نایهڵم بێشی وهره پێشی دهبا بۆت تێخهم
<br /> ئهم دوو ئهنگوستیله ئاڵتونه، له قامكت به خهڵات
<br />
<br /> دهوهر گیان و قهوت تاوێ ئهوهم بگره به وهت
<br /> نهرمی دهستم به سهری پهنجه نهخۆشم كه له لات
<br />
<br /> من كه خۆم ناوهته پێناوت ئهتۆش بۆم فش كه
<br /> قوڵی راستت بخهمه باسكم و دهرچین له وڵات
<br />
<br />جوانی تۆی دا له محهك ناحهزی من بۆم دهركهوت
<br />ئهوی جوانان ههیانه به تهنیا ههیه لات .
<br />
<br />
<br />
<br />
<br />
<br /> <div class="blogger-post-footer"><img width='1' height='1' src='https://blogger.googleusercontent.com/tracker/5663272-106824885262724611?l=shwaniwell.blogspot.com' alt='' /></div>Shwanhttp://www.blogger.com/profile/14636987950716918786noreply@blogger.comtag:blogger.com,1999:blog-5663272.post-1066519357283773192003-10-18T16:22:00.000-07:002003-10-18T16:22:37.203-07:00سهرنجیهك بۆ ئهو ئهقڵێته كه كورد له گهڵی بهروڕوویه!
<br /> ئهو شانۆیه كه له یهكێك له تهلهفزیونهكانی توركیه هاتوته سهر شانۆ، ههر چهند له ڕاستی دا وتوووێژیكه له نێوان بهڕیوهبهری بهرنامه، ژنراڵێكی تورك و ههواڵنێریهك دا كه مێژووی ڕوودانهكه دهگرێتهوه بۆ ڕۆژی ڕزگاری كهركووك.
<br />
<br />
<br /> ناوی شانۆ : ئایا چلۆن كاریكی وا دهبێت؟
<br />
<br />شوێن : ستودیویی تهلهفزیهنێكی توركی
<br />
<br />یاریكهرهكان: بهڕێوهبهری بهرنامهی تهلهفزیون، ژنراڵێكی تورك و ههواڵنێریك لهكهركووكهوه.
<br />
<br />ژنراڵهكه لهو باوهڕه دایه و چاوهڕۆانی ئهوه دهكا كه كوردهكان به ڕزگار بوونی كهركووك، هێرش دهبنه سهر توركهمنهكان و ههمویان دهكۆژن و شۆنهواریان له سهر زهویی دهسهڕنهوه!
<br />
<br />بهڕێوهبهری بهرنامه: بهم بووره سهروهرم، شهكرت ده زاریی دایه، ههواڵنێرمان لهكهركووكهوه ڕاستوخۆ لهگهڵمان دایه؛ تهكایه ئۆكتای ئاگدارمان كهوه، ئایا كوردهكان هێرشیان بۆ قهڵاچۆكردن و لهناو بردنی توركهمنهكان دهست پێكردوه؟
<br />
<br />- باس له چی دهكهی تۆ كاكی برا؟!! سهیری ئهو دیمهنانه كه و بزانه كه چلۆن كورد و توركهمن،عهرب، ئاشووری و كهلدانی له خۆشی تێكڕووخانی ڕژیمی سهدام دا پێكهوه شای و ههڵپركێانه.
<br />
<br />بهڕیوهبهری بهرنامه: به بینینی ئهو دیمهنانه ههر دووك چاویی دهچێته پشت سهری و ڕوو له ژنراڵ دهپرسی: گهورهم كاری وا دهشی ڕوو بدا؟!
<br />
<br />ژنراڵ پاش بێدهنگێكی كورت دهم و لوتی ههڵدهقرچینت و ...
<br />
<br />منیش ئیتر تاقهتم نهماو كاناڵهكهم گۆڕیی (نووسهر).
<br />
<br />ئهوه تهنیا دیمهنێكی ههره بهچووك و ههر لهو كاته دا گهندڵی پرۆپاگهندای بهربڵاو وههمهلایهنه و بهردهوامی دوژمنان و داگیركهرانی كوردستانه له دهژی نهتهوهی كورد، كهچی لایهنهكانی كوردیش به خهیاڵی سهقامگیركردنی دیموكراسی و ژیانی هاوبهش له وڵاتی تورك و فارس و عهربان دا خهریكن كورد بكن به قووربانی! سهرم سووڕ ماوه لهو ساویلهكهیه و لهو منتهقه!
<br /> <div class="blogger-post-footer"><img width='1' height='1' src='https://blogger.googleusercontent.com/tracker/5663272-106651935728377319?l=shwaniwell.blogspot.com' alt='' /></div>Shwanhttp://www.blogger.com/profile/14636987950716918786noreply@blogger.comtag:blogger.com,1999:blog-5663272.post-1064107563460927172003-09-20T18:26:00.000-07:002003-09-20T18:26:03.370-07:00سهعات 7:30 له ماڵ دهێته دهر و پاشان شانتاڵیش له ماڵهكی دهردهكهوێت. له گهڵ یهك بهرهو قاوهخانهكه
<br />دهكهونه ڕێی. له ڕێگا دا له حاڵ و ئهحواڵی دایك و باب و تێپهڕاندنی ڕۆژی یهكشهممۆ له شانتاڵ پرسێار دهكا. ئهوه دهبێته باسی ڕێگایان و بهو شێویه دهگهنه كافهكه.
<br /> قاوهخانهكه خهڵكێكی زۆری تێدایه. به پاڵهپستۆ دهچنه ژوورووه. له گۆشهی ئاخریی قاوهخانهكه دوو كورسی بهتاڵ بهر چاو دهكهوێی به زۆیی خۆیان دهگهێنه كورسیهكان و ڕۆدهنیشن. ڕوو له شانتاڵ دهكا و دهپرسێت چی دهخۆیهوه؟! كاتێك دهنگی خۆی بیست، ههستی بهوه كرد كه دهنگی دهلرزێت. شانتاڵ بزهیكی هاتێهو وهتی شهڕابێكی سوور دهخۆمهوه ئهگر دهكرێت.
<br />بهرهو باڕهكه چوو، پاش ماوهیهك به شهڕاب و ئیستكانێك ویسكیهوه دهگرێتهوه لای شانتاڵ. فهرموو ئهوه شهڕاب.
<br />- زۆر سپاس
<br />ئێستا به تهواویی دانهنیشتووه، ئیستاكانهكهی ههڵدهگرێت و ڕوو له شانتاڵ دهڵێت به خۆشێت، به خۆشی ئهمشهو.
<br />- به خۆشی ئهم شهو.
<br />- ئهو قاوهخانهێت بهدهڵه یا نا؟!
<br />- شوێنكی خۆشه. ڕاستی ههموو ڕۆژانی دووشهممۆ لێر موزیك لێدهدهن؟!
<br />- ئهری موزیكی جاز، ههر چهند حهوتوویهك له هاوین دا نهبێت، ئهویتر ههمیشه لهو ڕۆژه دا موزیك جاز پێشكێش دهكرێت.
<br />- وادیاره زۆر هۆگریی موزیكی جازی، بۆ؟!
<br />- ئهری زۆر هۆگریم. له ڕاستی دا ههر خۆشه بهڵام لهبر ئهوه موزیك جاز، موزیكی بندهستان و زۆرلێكراونه زۆرم پێخۆشه. ئهوه ڕهنگهجۆریك له دهڕبڕین و هاواری ڕهشهپیستهكانی ئهمریكا بێت. منیش له نهتهوهیهكی ژێردهستهو بێ بهشهم، ڕهنگه هاوبهشهیمان له بێ بهشیمان دا هانمبدا كه زۆر هۆگری ئهو موزیكه بم!
<br />- تا ئێستا قهت بهو جۆره موزیكی جازم ههڵنهسنگاندوه، بهڵام منیش پێم خۆشه.
<br />هات وڵامی بداتهوه و پێ بڵێی كه تۆ له تۆرمهیهكی بێ بهش و ماڵوێران نی تا بهو جۆره بۆی بهچی، بهڵام دهیتی ئهو ههویره ئاویكی زۆر دهبا و ڕهنگه بكهونه باسێكی سیاسی، كه ئهوشهو و لێره جێگای ئهو قسانه نیه. ههر لهو كاته دا به چهپڵه ڕێزان و فیكه فیكی خهڵكهكه تێگهیشتن كه گروپی موزیك هاتنه سهر شانۆ. گروپهكه به ئاواز" you are next" كه گۆرانێكیArmstrong Louis ه دهستی پێكرد.
<br />ئهو ئاوازه بۆ ماوهیهك ههردووكهیانی بێدهنگ كرد. له ڕاستی دا ئهو هیچ گوبیسی موزیكهكه نهبوو، بهڵكو لهو بیره دا بوو كه چلۆن سهری قسهی له سهر ئهوین و دڵداریی بكاتهوه! بهڵام ههستی بهوه دهكرد كه دهربڕینی هێنده كاریكی، ئاسان نیه چهند جار تا ئیستا ئاشق بوو بێت، گرنگ نیه. ههموو جاریك ههر وهك یهك وایه!
<br />ههستی بوونی شانتاڵ له پهنا خۆی، موزیك و كهش و ههوای قاوهخانهكه و ویسكی به تهواویی سهرخۆشی كرد بوو، وای به باش زانی كه چیتر دهرنگی نهكا و قسهی دڵی خۆی بكا. ڕۆی له شانتال كرد؛
<br />
<br />- شانتاڵ بهبووره پێم وایه چووی دهعالمی موزیكهوه، بهڵام من پێم خۆشه شتێكیترت لهگهڵ باس بكهم!
<br />وا دهردهكهوت شانتاڵیش ههر چاوه ڕۆانی ئهوه بوو، بۆیه وهتی: فهرموو، بزانم چت پێه؟!
<br />- شانتاڵ ڕهنگه خۆشت ههستت پێكرده بێت، من لهو كاتهوه كه تۆم بینیهوه، كهوتوومه داوتهوه و تۆم زۆر خۆشگهرهكه.ڕهنگه نهتوانم بهو جۆره كه پێویسته باسی ئهو ههسته بكهم كه بۆ تۆ ههمه، بهڵام پێم وایه كه له نێگام دا، له قسهكردهنم دا و له ههڵسوكهوتم له گهڵ تۆ دا ڕهنگه باشت خوێندبێتهوه كه من سهودا سهری تۆمه و وا وهی دهچێت كه ئاشقت بۆبم.
<br />كاتێك قسهكانی تهواو بوو خێرا ئیستكانه ویسكێهكی ههڵگرت و پێكی ئاخریشی بهگهرووی دا كرد. ههستی بهوه دهكرد كه باریكی قوورسی له سهر شانی لابردهوه. شانتاڵ كه له دڵی خۆی دا بهو دڵهكووته و بێدهستهوستانی ئهو پێدهكهنی، بزێكی شێتانانهی هاته سهر لێوی و به دهنگێكی دڵڕفێن وهتی: سپاس كه تۆ منت بهر دڵ كهوتهوه. به پێكهنینهوه درێژی به قسهكانی دا؛ تۆ بهو ئاكار و كردهوانت، به چاوڵێكردهنه شێتانهێت هیچ گومانێكت بۆ من تێدا نههێشتۆتهوه كه خریكی شتێكی. با منیش پێت بهڵێم كه خۆشیم له تۆ هاتهوه، كۆریكی لهبهر دڵانی بهڵام پێت وا نیه زۆیه بۆ ئاشق بوون؟!
<br />
<br />- مهبستت چیه زۆیه بۆ ئاشق بوون، بۆ مهگر بهدهست خۆته ئاشق بێت؟!
<br />- نا، مهبستم ئهویه كه ئێمه یهكتر باش ناناسین باشتره كه هێندك مهودا بدهێن به یهكتر تا باشتر یهكتر بناسین.
<br />- به پێكهنینهوه، دهی باشه ئهوه له ئێستاوه تا ڕۆژی قیامهت كاتت ههیه من بناسی!!!
<br />- نا ئهوهندش نا. بهڵام من ویستم بڵێم كه ڕهنگه تۆ له ههستی خۆت ئهرخێان بێت، بهڵام من نا، من پێویستیم بهكات ههیه تا تۆ باشتر بناسم.
<br />- ئهوش ڕاسته، به پێكهنینهوه وهتی بهڵام پێت وا نیه بۆ ناسانی من ههر ئهونده بس كه پاسپورتهكم چاویك لێ بكهی؟!
<br />- شێته نا ئهونده بس نیه.
<br />- دهی باشه، پێم بڵێی ئیستا چی دهخۆیهوه ؟ شهڕابهكت تهواو بووه.
<br />- نا من دهچم دههێنم، تۆ چی دهخۆیهوه؟!
<br />خهریك بوو بكهویته سوێند و قورئان خۆاردهن كه دانیشه من دهچم، بهڵام زۆ كهوتهوه بیریی كه ئێرهش لای خۆیان نیه، لێگهری ئهو بچێت شتێك بههێنت. باشه ههر ویسكێكه. كه شانتاڵ هاتهوه، پێگوت كه له لایهن كارهكهیهوه له سبهی ڕا تا ڕۆژێ ههینی وهن دهبێت، دڵنیاشه لهو ماوهیه دا زۆری بیر دهكا، ههر بۆیه ئهگر پێخۆش بوو و كاتی ههبوو شهویی ههینی بهیكهوه نان بهخۆن. بڕیاڕ دهرا له ماڵه ئهو نان بهخۆن. سهر خۆشی دانیشتنی ئهمشهو و دڵخۆش به قهراری ههینی بهرو ماڵ بوونهوه.
<br />
<br />له چهند ڕۆژ دا كه لێك دوور بوون زۆری بیری له خۆی و شانتاڵ كردهوه. به خۆی دهوهت؛ شانتاڵ ئێستا هیچ شتێك له من نازانێت، تۆ بڵێی نهپرسێت من كێم و لێره چهدهكهم. خۆ خهڵكی ئهو وڵاته ههر كه لهگهڵت كهوتنه قسه ههر ئهوه سهر و بنی قسهیانه. پێ سهیر بوو كه تا ئێستا ئهو پرسێارهی لێ نهكردهوه! بیری لهوه دهكردهوه كه چۆن خۆی، وڵات و كهلتوری نهتهوهكهی پێبناسێنێت. به خۆی دهگووت، ئهگر باسی جوانی وڵات بكهم چهند پارچه شێعری ماموستا گۆرانی له گهشتێك له ههورامان دا بۆ دهخوێنمهوه. ئهگر باسی كێشهی نهتهوهكهمی بۆ بكهم شێعركانی ماموستا ههژار و پهشێوی بۆ دهخوێنمهوه كهچلۆن مامۆستا ههژار بهربین به خۆدا و فرشتهكانی ده گری كه له گۆریش دا دهبێت به كوردی له گهڵی به ئاخهفن و یا خۆ باسی پهشێوی بۆ دهكهم كه چهنده تامهزرۆی سهربهخۆی و ئاڵای كوردستانه. ئهگر باسی جوانپرستی و ههستی ناسك هاتهگۆڕی ئهوه شێعركانی مامه هێمنی بۆ دهكهم به دیاری!
<br />
<br />لهخۆوه له خۆی پرسی، ئهی چۆنه كه باسی ئهوه بكهم زۆر له وڵاتی ئێمه دا ئهو درووشمانه باوهن كه "مهژی بۆ مردن، بمره بۆ ژیان" یا خۆ "چۆن بژی شهرته، نه وهك چهنده بژێ". زۆ لهو بیرهی خۆی پهژیوان بووه و به خۆی وهت نا ئهوهانه باس ناكهم. لهو شتانه حاڵی نابێت. لێره پێویست ناكا كهس بۆ ژیان بمری، ژیان ههیه و ههموو كهس ههوڵ دهدا هاتا بۆی دهكرێت بژیت. لێره شهرت ئهوهیه چهنده بژی، لهبهر ئهوه كه تا ڕادهیهكی زۆر ههموو كهس مافی ئهوهی ههیه كه چۆن بژی. لێره چۆن بژی كێشه نیه و چهند بژی گرنگه! ماندوو لهو ههموو ئیده و بیرانه گهیشته ئهو قهناعهته كه ههر هیچ كام لهو شتانه پێویست نیه، بهڵكو ههر بهسهرهاتی خۆی بۆ باس بكا بسه.
<br />
<br />نێوهڕۆی ڕۆژی ههینی گهیشتهوه ماڵ و پاشان بهخێرایی چوو بۆ ناو بازار و هێندهك خۆاردهمهنی كڕیی و گهڕاوه. ههتا سهعات 6ی ئێواری چێشتێكی زۆر خۆش و بهتامی كه تایبهتی خۆی و ههموو پێداویستهكانیتری ئامادهكرد. سهفرهكهی زۆر جوان ڕازاندبۆوه. چوو له ناو كۆمۆدهكه دا شهڕابێكی سووری ئهفریقای باشووری هێنا له سهر سهفرهكه دانا. چهندین جار له دوورهوه چاوی لهسهر سهفرهكه كرد، بۆ ئهوه كه بزانێت كهموكۆڕیهك بهر چاو دهكهوێت یا نا.
<br />سهرگهرمی ئهو كارانه بوو كه شانتاڵ له دهرگای پشتهوه ڕا هاته ژوورهوه.
<br />- سڵاو، ئیزن ههیه بێمه ژوورهوه؟!
<br />ئهو دهنگه بۆ ئهو ئهونده سێحراوی و دڵنشین بوو كه به تهواوی شڵهژاندی و به دهڵهكووتێكی سهیر بهرهو پیری چوو و گوتی تكایه فهرموو.
<br /> شانتاڵ هاته ژووروه گوتی چه بۆنێكی خۆش، ئهوه چیت سازكردهوه و پاش ئهوه كه یهكتریان له باوش و ماچ كرد، یهك ڕاست چوو بۆ سهر سهفرهكه و دهستی كرد به تاریف له ڕازاندنهوئ سهفره و چێشت و پاشان وهتی دهستهكانت خۆش تۆ خۆت ماندووی، پێویستی بهو ههمۆ نهدهكرد...
<br />دهستی بهرد بۆ شهڕابهكه گوتی: لهگهڵ گهڵاسێك شهڕاب دهڵی چی؟
<br />- خۆشه
<br />- پاش ماوهیهك چوونه سهر سهفرهكه و لهگهڵ خۆاردنی نان دهستێان كرد بهقسهكردهن.
<br />- شانتاڵ دهزانی زۆرم بیر دهكردهی.
<br />- بهڕاست؟!
<br />- ئهری بهڕاستمه، نازانی ئهو چهند ڕۆژه چهنده به تاسهتهوه بووم.
<br />- تۆ بهڕاستی ئاشقی ها! منیش زۆرم بیر كرد بووی و زۆریشم بیر له تۆ كردهوتهوه. تۆ بۆ من مرۆڤێكی زۆر جیگای سهرنجی. ئهگر ڕاستیت بهوێت، تۆ بۆ من وهك دنیایهكی نهناسراویی...
<br />- ڕاسته، بهڵام ئهوه ههر من نیم كه وام، ههر مرۆڤێك خاونی دنیایكی تایبهت و تاقانهیه و جیاوازه. بهڵام گرنگ ئهوهیه كه ئایا دهخۆازی كه ئهو دنیا نهناسراوه بناسی؟!
<br />بهدهم ئهو قسانهوه له نان خۆاردن بوونهوه، سهفرهكهیان ههر وا جیهێشت و چوونه حهوشه دانیشن. شهویكی خۆش، دنیایكی ئارام و ئاسمانێكی پڕ له ئهستێره كه خهریكی سهما و چاو چاوێن بوون له گهڵ یهكتر. له سهر كورسێهكانی حهوشه دانیشتن. ئهو كهش و ههوا خۆشه، ئهو شنه با نهرمه و شهڕاب، دهتگوت دهستێان داوه به دهستی یهك و بهڵێنیان داوه كه ئهو شهو بكهنه شهویكی بێوینه له ژیانی ئهو دوو مرۆڤه دا. لهگهڵ ههر قسهیهك، له گهڵ ههر چاو لێكردهنێك، له گهڵ ههر بزه و پێكهنییهك لهگهڵ ههر... خهریكی داگیركردنی دڵهكانی یهكتر بوون. ههستی نامۆی و شهرمێكی كه ههر له سهرتای بینینی یهكتری له قسهكانێان دا و له كار و كردهوهكانیان دا خۆی نیشان دهدا، بهتهواوی بارگهو بنهیان تێكنا بوو و لهو دیاره كۆچیان كردبوو. ههر كهس چاویی بهوان كهوتبایه،هیچ گومانی لهو دا نهبوو كه ئهو دوو دهنكه تا تۆقی سهریان ئاشقی یهكترن.
<br />شهو دهرنگ و بێدهنگه، ئهستێرهكان ههر وا خهریكی سهما و چاوبازینن، شنهبا خهریكی لاوندنهوهیانه. زۆر به ئارامی دهستێكی به نێو تاڵه موویهكانی سهر شانی دا به هێدی و هێمنی دهخاته ئهستۆی و دهستهكهیتری دهكهوێته كایهكردهن له گهڵ تاڵه موویهكانی سهری و نازیان دهكێشی و وهرده وهرده شانهیان دهكا. سهری به سهریوه دهنی و به ئاسپای و دهنگێكی نهرم و دڵنشین به بێ ئهوی نازی چاوه جوانهكانی بهشێوینێت دهڵی: من دهخوازم ههمو شهویك مێوانی ئهو چاوه جوانه و ئهفسووناویانت بم. من دهخۆازم ههمو ڕاز و ڕمزهكانی ئهو ئاسكوڵه دڵ ناسكۆڵهیه بزانم. من دهخۆازم ئهو نامۆیه، نامۆ له من دهستهمۆكهم. وهره بشقی ئهو چاوانت تۆش بم ناسه.
<br />چوون له باوشی یهكتروه، باڵایان به باڵای یهكتر گرت، لێوهكانیان تهلسمی نامۆیان شكاند و بوون به مێوانی خۆشهویستی یهكتری. ههناسهكان تێكڵاویكتر بوون...
<br />
<br />
<br />
<br />
<br /> <div class="blogger-post-footer"><img width='1' height='1' src='https://blogger.googleusercontent.com/tracker/5663272-106410756346092717?l=shwaniwell.blogspot.com' alt='' /></div>Shwanhttp://www.blogger.com/profile/14636987950716918786noreply@blogger.comtag:blogger.com,1999:blog-5663272.post-1063837212396798282003-09-17T15:20:00.000-07:002003-09-17T15:20:12.286-07:00نامهیهكی سهرئاواڵهی خۆماڵی
<br />
<br />مام جهلال و كاك مسعوود سڵاو، ئهو كاتهتان باش!
<br />
<br />ماندوو نهبن براینه، ساغی و سهڵامهتی و كهیف خۆشیتان به ئاوات دهخۆازم. دوو شهو لهمهوبهر بۆ جاریكیتر چاوم به ههر دووكتان له لای یهك و له پهنا كۆلن پاوڵ وهزیری دهرهوهی وڵاته یهكگرتووكانی ئهمریكا كهوت. گهلێك دڵخۆش بووم به دیتنی دووباری پێكهوتان.
<br />پیروزبای لهو سهركهوتنه سیاسیهتان دهكهم كه بۆ جاریكیتر له مهیدانی سیاسهتی نێودهوڵهتی دا بهدهستان هێنا. ئهو سهردانهی پاوڵ ههر وا بوو به هۆی ئهوه كه راگهێنه گهشتێهكانی گلوباڵی جیهانی وهك بیبیسی و سینن و زۆر جێگایتر دا به باشی باس له كورد و ماڵوێرانێهكانی كورد بكهن.
<br />ههر چهند له چهند مانگی ڕابردوو دا سیاسهتی هاوبشی یهكێتی و پارتی له ئاستی ناوچه و جیهانی دا ههتا هاتووه یهكگرتووتر و یهكدهنگتر بووه، بهڵام ماوهیهكه كه له سیاسهتی ناوخۆیی دا هێندهیهك دهنگی جیاواز له ههر دووك لاتان دهبیسرێت و پروسهی یهكگرتنهوهی وهك خۆتان وهتهنی "ماڵی كورد" زۆر به ئارامی دهچێته پێش (ههر دهڵیلهبیرتان چوتهوه) بۆ من وهك كوردیك مۆتهكهی لێكدابڕان و دووركهوتنهی ئێوه لێكتر هیچ شهویهك نیه خهوم له چاوهان نهزرینێت.
<br />
<br />سپاسی كاك مسعوود بۆ ههڵویستی لێبڕاوانهی له بهرزكردهنهوی ئاڵای كوردستان و ههڵنكردنی ئاڵای ئێراقی له كوردستان دا. مام جهلالی بهڕێز له سهفهر دوور و درێژهكانت ماندوو نهبی و دهست خۆش. بهڵام كاتێك بیستم كه كوردهكانی دانیشتوویی ئوسترالێا به شایی به خۆ بوونێكی كهم وینه به ئاڵای كوردستانهوه هاتوونته پێشوازێت و تو وهتووته كه ئهی كۆا ئاڵای ئێراق؟ له وڵام دا پێت دهڵێن ئاڵای ئێراقیمان نهبوو و توش دهڵێی: ئهگر وایه ئهم ئاڵایهش لا بهن! بهو قسهیه ههر به تهواویی واقمام. بۆ كاكی برا؟
<br />
<br />باشه له كام دیروك و كام شوێنی دنیا بیستووته ڕۆڵهكانی نهتهوهیهك به ئاڵای نهتهوهیی خۆیان به پێشوازیی ڕێبهریهك یا خۆ كهسایهتی نهتهوهكهیان چوو بن، ئهویش بڵێت ئهو ئاڵایه لابهن چوونكه ئاڵای نهتهوهیكیترتان پێ نیه؟! من تا ئێستا له هیچ شوێنك شتی وام نهبیستووه و پێشم وابی تۆش نهت بیستووه.
<br />
<br />دوو ڕۆژ لهمهوبهر له كوردستان تی فی دا بیستم كه كاك مسعوود له كۆبوونهوهیهك دا لهگهڵ چهند لایهنی كوردی دا داوكاری ئهوه بووه كه به ئهقڵێت و ڕۆحێكی نهتهوهیی له خزمهت نهتهوهكمان دا بن، كه چی بهڕێزتان له مۆسل داوتان له ئهندامان و كادرهكانی یهكێتی كردهوه كه پهنا نهبن بۆ نهتهوهپهرستی و به شێوهیهكی دیموكراتیك له گهڵ شتهكان ههڵسووكهوت بكهن (كوردسات).
<br />من نازانم ئهوین و خۆشهویستی به كورد و كوردستان بۆ دیاردیكی خراپه كه مرۆی كورد دهبێت خۆی له بپارێزێت؟! باشه مهبستت له شێوهیهكی دیموكراتیك چیه؟! بۆ بهڕێزتان پێتان وایه ئێمه له وڵاتانی خودا پێداویی ئهوروپایی و ئهمریكا دیموكراتتر دهبین، كه وان له سهر قازانج و بهرژهوندیی خۆیان خهریكن ههر ههموو دنیا بهخۆن؟! باشه مهگر ههر ئهو ئهمریكایه كه ئێستا له كوردستانه و هاوپهێمان و دۆستی كورده( ماڵیان سهد جار ئاوهدان بێت و بهخێر بێن) بۆ قازانج و بهرژهوندیی خۆیان خهریك نین ئێران ، ئێراق، سووریه ( هێوادارم له داهاتووش دا توركیه) به زبهریی شهقان دههێنته سهر ڕێگایی خۆی و بهو شێوهیه ئێمهش شتێكمان پێ بڕاوه؟ باشه مهگر ههر ئهو ئهمریكا هاوپهیمانهی خۆمان نیه كه منداڵانی وڵاتهكهی خۆی به خۆشهویستی و ئهوین بۆ ئاو و خاك وڵاتهكهیان پهرورده كردهوه و له پێناویی قازانج و بهرژهوندیی نهتهوهیی به دهیان ههزاریان ڕوانهی شهڕ له گهڵ دهژبهرانی دهكا؟!
<br />دهی باشه چه تاوانێك دهبێت كه ئێمهش وڵات و نهتهوهی خۆمان خۆش بهوێت، به بێ ئهوی ڕهقمان له عهڕب و فارس و تورك بێتهوه؟ دهی باشه چه دهبێت كه مرۆی كوردیش به ههست و ئهقڵی نهتهوهیهوه پێبگرێت و گهشه بكات و له خزمت نیشتمان و نهتهوهی خۆی دا بێت؟!
<br />
<br />بهڕێزان كاك مسعوود و مام جهلال دهزانم كه له سهر كهركوكیش هێندهك جیاوازیی بیر و ڕاتان ههیه. ئهوش دهزانم كه ئێستا ههر دووكتان وای بهباش دهزانن كه له گهڵ ئێراق بهمێنهوه، و پێشم وایه كه باش دهزانن كه ئێستا باشووری كوردستان بۆته قیبلهگای ههموو مرۆیكی نیشتمانپهروهریی كورد له ههر چوار قوورنهی دنیا. ئایا به ڕای ئێوش باشتر نیه كه ماڤی یهكگرتنهوی كوردستان و كورد له خۆمان زهوت نهكهێن و ئێوش به دڵێكی ئاواڵه و تێگهیشتنێکێ نهتهوهیهوه له هێز و تواناكانی كوردی بهشهكانیتری كوردستانیش نزیك بكهونهوه و وهك پێشهنگێكی باش یهكگرتنێكی نهتهوهیی ههمهلایهنه مسۆگهر بكهن و چاو له بهسته خاكێكی كوردستان نهپۆشن؟
<br />
<br />ڕاگرتن، دهولهمهند و بههێزتر كردهنی، ئهو ئهزمونه و سازدانی یهكیتیكی نهتهوهی ههمهلایهنه، تهنیا كاتێك دهكرێت كه خۆمان لهو سنووره برتسكه ئێدیولوژك و ڕێكخراویی و ناوچهگریتی و تاكهكهسی دهرباز كهێن و پهنا بهرین بۆ قازانج و بهڕژوهندیی گهشتی و نهتهوهیمان و ئهوش تهنیا كاتێك دهكرێت كه خاونی ئهقڵیتێكی نهتهوهیی بین كه سهر چاوهكهی له ئهوین و خۆشهویستهكی بێپایان بهكوردستان و سهروهریی و سهربهخۆی كورد دهست پێ دهكا.
<br />
<br />ئهو خۆشهویستیه دهكرێت به زۆر شێوه خۆی دهربخا و زۆریی فلسهفهبافی له سهر كراوه، بهڵام خۆشهویستی مرۆی ساكاری كورد له ههموویان جوانتر، ساكارتر و دهولهمهندتره. با یهك دوو نهموونی شیرینتان لهو خۆشهویستیه بۆ بگێرمهوه.
<br />
<br />منداڵ بووم كه ڕژیمی پاشایهتی گۆڕ به گۆر بوو. لهپهر كورد بوون و كوردایهتی له مێشكم دا زهرینگاوه. تا ئهو كات قهت نهمزانی بوو كه من كوردم. پێشمهرگه پهیدا بوون، جهلو بهرگی كوردیی، زمان و كهلتووریی كوردیی ههموو ههر تێكڕا مانایهكیتریان بهخۆیانهوه گرت. سروود و گۆرانی شوڕشگێڕانه هاتنه مهیدان. گۆرانی بێژ و قسهخۆشێكی نهتهوهكهمان به ناوی ڕهسوڵی نادهری گۆرانی زۆر خۆشی بۆ پێشمهرگه دانابوو، له یهكێك له گۆرانێهكانی دا دهڵێی: "پێشمهرگه له دارم دا عجم نهڵی كهپێولی" ( عجم نهلێ سهگباب)!
<br />پاش ماوهیهك كه گهورهتر بووم، زۆرم بیر لهو گۆرانێه كردهوه. زهڕه كومونیستهكان گۆرانێهكانی ئهو و زۆر گۆرانی بێژییتریان بهڵاو نهدهكردهوه چوونكه پێان گۆرانی نهتهوهپهرستانه و دواكهوتوانه و ڕهگهزپرستانه بوو. هاوڕیهكم ههبوو كومونیست بوو، زۆر جار ئهو قسانهی دهكرد و دهی وهت ئهو گۆرانی و بیریی بوورژوازیه. زۆرم پێ سهیر بوو ڕسووڵی نادریی بهدهبهخت دهبا بۆ نانی شهویی به قهت 20 ههزار كرێكاریی ئهوروپایی ئارقیی ڕهشت با و باشترین تووزلهژهنی هاوڕی، كابرایهكی عجم بوو ، نه دهیتوانی سهر به بوورژوازیی بێت و نه ڕهگهزپهرست و شتی لهو قووماشه!
<br />كاك رسووڵ تهنیا یهك شتی دهویست، دهسهڵاتێكی كوردیی و هیچی دهیكه و ڕمزیی ئهو دهسهڵاته كوردیهیی له پێشمهرگه دا دیبووه و بهو شێوهیه دهریی دهبهڕیی.
<br />
<br />ماوهیهك لهمهوبهر له گهڵ هاواڵێكم له وڵات قسهم كرد. قسهیهكی زۆر خۆشی بۆ گێڕامهوه. وهتی: چهند كهسێك له مههابادهوه دهچنه ههولێر . له ههولێر له شهقامێك به ماشێن به تووندیی به بهر دهم پولیسی شهقام دا دهڕۆن. پولیس بهو كاری ئهوان تووڕه دهبێت و به دهنگێكی بهرز چهند جوێنێكی تهڕیان پێ دهدا و دهكهوێته شوێنیان. كهچی كاتێك ئهوان جوێنهكانی پولیس دهبیسن ماشێن ڕادهگرن و دینه خۆار. دهچن پولیس له باوش دهگرن و ماچی دهكهن! پۆلیس ههر سهری سوڕ دهمێنێت و دهپرسیه ئهوه چه كاریكه ئیوه دهیكن؟! ئهوانیش دهڵێن ئۆخهی كه نهمردین و پولیسی كوردیی جوێنی پێداین! سهیره بزانن مرۆی كورد چهنده تامهزرۆیی دهسهڵات و سهروهری كوردیه، مهگر نا؟!!
<br />
<br />كازو و منداڵهكانی ( گۆرانی بێژیی باكووری كوردستان) ماوهیهك بهر له ئێستا له باشووری كوردستان چهند كۆنسرتیان له باژێڕهكانی ئهو بهشه بهڕێووه برد. له وڵامی پرسێاریهكی كوردستان تیفی كه له سهر ههستی بۆ كوردستانی ئازاد لێكرا، وهتی: كاتێك له سنووری كوردستانی ئازاد چاوم به سنووردارانی كورد كهوت، پێم وا بوو كه تازه له دایكی خۆم بووم. جا بزانن كه ئهو مرۆڤانه چهند دڵ خۆشن به دهسهڵاتی كوردین.
<br />
<br />كاكی براینه، نهموونه گهلێك زۆرن و دڵنیام كه ئێوه زۆر له من باشتر دهزانن كه نهتهوهكهمان زیاتر له دوو سهدهیه زۆر به دڵ فرهوانی و بێ ڕاڕایی به بهختكردنی گێان و ماڵی خۆیان بۆ ئهو سهروهریه و دهسهڵاته خهبات دهكهن. من ئهو سی ڕووداوم باس كرد كه گهلێك ساكار و شیرینن، بهڵام ههر لهو كاته دا ههڵگریی پهیمایكی گهلێك مهزنن.
<br />
<br />منیش وهك كوردیهك دڵم زۆر خۆشه بهو ئهزموونه له باشووری وڵات دا. كارم بهوه نیه كه دهخۆازن باشترین دیموكراتی جیهان بن ( وا وهی دهچی كه ئێستا دیموكراسیمان لی بۆته نهقڵی كومونیزم و سوسیالیزمی پێشوو)، خۆ به برای عهرب بزانن و له ههموو ئێراقێكیش ئێراقیتر بن. من كارم به هیچ یهك لهوانه نیه. ئهوه كه من به دڵ ئاواتهخۆازم ئهو دهسكهوتمان له سهر ئهو قسانه و شهڕه دهندووكان له دهست مهدهن. بۆ پارێزگاریی و بههێزكردهن و دهوڵهمهندكردهنی ئهو دهسكهوته ئاواتهخۆازم یهكگرن و یهك بن. تهواویی كوردستان چاویی له ئێویه. له سهر ئاڵای ئێراقی، ئاڵای كوردستانمان مههێنه خۆاری. له سهر ئهوین به دیموكراسی، ئهوین به وڵات و نهتهوه بێ بایهخ مهكهن. له سهر مرۆڤدۆستی جیهانی( كه قهت نهبووه) ژیان و گێانی نهتهوهیهك مهكهنه قوربانی. كورد دهتوانێت نهتهوهكه و وڵاتی خۆی خۆش بهوێت به بێ ئهوه كه ڕهقی له مرۆڤایهتی یا خۆ نهتهوهیهك بێتهوه.
<br />كاكه و مامه بهریك دڵگهوره بن له ههمبهر یهكتر دا، یهكتر قهبووڵ كهن. ڕێز له بیر و بۆچوونی جیاوازیی یهكتر بگرن. چه دهبێت ئهگر یهكێتی ههبێت له جیاوازی دا؟!
<br />
<br />بژی كورد و كوردستان
<br />
<br />ههر بژین به شادیی و سهركهوتوو بن.
<br />
<br />شوانهوێڵه
<br />
<br />
<br />
<br /><div class="blogger-post-footer"><img width='1' height='1' src='https://blogger.googleusercontent.com/tracker/5663272-106383721239679828?l=shwaniwell.blogspot.com' alt='' /></div>Shwanhttp://www.blogger.com/profile/14636987950716918786noreply@blogger.comtag:blogger.com,1999:blog-5663272.post-1063645534465737082003-09-15T10:05:00.000-07:002003-09-15T10:05:34.530-07:00ئهمرۆ كۆلن پاوڵ وهزیریی دهرهوی وڵاته یهكگرتووهكانی ئهمریكا سهردانی گۆڕیی شههیدانی ههڵهبجه كرد و هاودهردیی و ڕێزیی خۆی لهو كارساته و شههیدانی ئهو كارساته دهربڕیی. <div class="blogger-post-footer"><img width='1' height='1' src='https://blogger.googleusercontent.com/tracker/5663272-106364553446573708?l=shwaniwell.blogspot.com' alt='' /></div>Shwanhttp://www.blogger.com/profile/14636987950716918786noreply@blogger.comtag:blogger.com,1999:blog-5663272.post-1063289132590213042003-09-11T07:05:00.000-07:002003-09-11T07:05:32.596-07:00ماویهك بوو ههستی دهكرت كه بهتهواویی له دنیایی دهورو و بهریی خۆی دابڕاوه و ڕووی له خۆی كردۆتهوه. ههر دهت وهت ئهو پشكێنهرانهی فیلمه پۆلیسیه ئهنگلیسی و فرانسهویهكان وایه كه بهشوێن تاوانباریهك دا دهگڕێن و ئهو كهسی كه جێگای گومانه دهخنه ژێر پرسێاروه،له كۆڵی نابنهوه و تهنگی پێ ههڵ دهچنن! ڕۆژ نهبوو كه دهیان پرسێار له خۆی، له سهر ژیانی ،له بوونی له ههندهران و له سهر داهاتووی له خۆی نهكا.
<br />
<br />ههر چهند وڵامی تهواوی ئهو پرسێارانهی دهزانی و به دهیان جار وڵامی دابوونهوه و قهبووڵی كردبوون، بهڵام دیسان ههمو ڕۆژیهك ههر ئهو پرسێارانه بهر بینگێان پی دهگرتهوه. سهیر بو، دهت وت دهستهمۆیكی له خۆ نامۆیه.تهنیا ئهو كاتانه كه سهر قاڵی كار كردهن بو، ههرووژمی ئهو پرسێارانه له سهری كهم ده بوونهوه.
<br />ئێواریكی هاوینه، ماندوو و شهكهت له سهر كار ڕا بهرو ماڵ دهبێتهوه، ئێستا له دهركی ژووری كارهكی نهچۆتهدهر كه لهپهر دیسان پرسێاره كان گهمارۆی دهدهنهوه. بۆ جاریكیتری له خه یاڵی دا دهستهملانی پرسیار و وڵام دهبێتهوه. به تهواویی چۆته دنیایی بیركردهنهوه كهله پڕ لهبهر دهركی ماڵهكی خۆی دهدۆزێتهوه.
<br />
<br />- ها هاوسێكهم چاك بوو هاتێهوه. ئێستا خهریك بو نامه ی ماڵئاوایت بۆ بنووسم. ههر وهك دهزانی، من دهڕۆم لێره....
<br />
<br />چاویی بڕیه هاوسێكهی. یانی تهواو بووی له ماڵ گۆاستنهوه؟!
<br />
<br />- بهڵی، تهواو بووم. من ئهوهدهڕۆم و ئهوش ئادرسی نوێیم، ئهگر پێت خۆش بوو جار نا جاریهك وهره و پێكهوه وهك جاران دادهنیشین، قاوهیهك دهخۆینهوه و قسه و باسانی لێ دهكهێن.
<br />
<br />- زۆر باشه،بێگومان،. ماڵی تازهت بهدهڵه؟
<br />- زۆر ...
<br />
<br />- دهی باشه پیروزت بێت.
<br />
<br />- من دهڕۆم و توش ماندووی. بهڵام لهبیر ت نهچێت وهره سهریكمان لی بهده...
<br />
<br /> دهركهی ماڵی كردهوه و چۆ ژووروه. بارگهوه بنه ی كاری داناو و چهند نامهیهك كه بۆ هاتبوون به خێرایی چاوی پێ داخشاندن چی وای تێدا نهبوو كه بۆنی ناسێاویهك یا خۆ بۆنی وڵاتی ڵی بێت. لهبن لێویوه وهتی له مێژه له وڵاتهوه هیچ كهس لێم ناپرسێت، ههر دهڵی به تهواویی لهبیر چوومهوه!! نامهكانی دانا، له پهڕ ڕاوستا و به دهنگێكی بهرز به خۆی وهت: خۆ لهبیرم چوو لی به پرسم ئاخۆ دهزانێت هاوسی تازهم كێه؟!
<br />هێندهیهك به دهوری خۆی دا هاتو وچو پاشان بڕیاری دا شێویهك ساز كا. پاش شێوكردهنهوه ههر وهك ههمیشه چو له سهر مۆبڵه دهریژهكه ڕاكشا و بهدهم ڕاكشانهوه جگاریكی داگیرساند. له خۆ ڕا كهوته بیری هاوسی تازهی، دهبی كێ بێت و چهلون مرۆڤێك بێت؟! یاخۆا مرۆڤیكی ڕزا سووك و بی قاو قیژ بێت! كورد وهتهنی هاوسی باش خۆی نێعمهته. ههر لهو بیرانه دا بوو كه زهنگی تهلفون ڕایڵهی خهیاڵی پساند.
<br />
<br />- ههلو ...
<br />- ههلو من ماركم ... ئهو شهو به تهمای چی؟!
<br />- هیچ كاریكی ئهوتۆم نێه، لۆ؟
<br />- دهی باشه، ئهگر لات خۆشگهرهكه، دهچینه دهری ئهم شهو...
<br />- قسهیهكهم نیه، سهعات چهند؟
<br />- سهعات نۆی شهو لای من به، پاشان...
<br />
<br />سهعات نۆی شهو لهبهر دهركی ماڵی مارك ڕاوستا بوو، دهركهی ماڵ كراوه و چووه ژووروه...
<br />كاتێك دهركی ماڵهكی كردهوه سهعات چوار و نێویی بهربهیانی ڕۆژی شهممۆ بوو. ماندو و شهكهت خۆی به ژووری خهوهكهی داكرد و بێ سی و دوو لێكردن چوو ده خهویكی قورسهوه. پاش نێوهرۆ بوو كه له خهو ڕابوو، ئاویكی به سهر و چاویی داكرد و نانێكی سهرپی خۆارد و جگاریكی داگیرساند و بهر و ناو شار كهوته ڕی.
<br />كهش و ههوایكی گهرم و خۆشی ههبوو، هه ر چهند ئهو زۆر له گهڵ گهرما نێوانی خۆش نهبوو، بهڵام لهو وڵاته تووك لێكراوه و سهرمابهردووه دا، خۆرهتاوه هێز و توانایكی مهزن به ژیان و بوژانه وه دهدا. ناو شار پهر بوو له حهشیمهت، ههموو خهڵك له بهر دهمی قاوهخانهكانی ناو شار خۆیان لهبهر تاو ههڵخستبوو. ئهویش چوو له بهر دهم كافهیهك ڕۆنیشت. مهستی شهوی ڕابردوو ئیستا به تهواوی بهری نهدابوو، داوای قاوهیكی كرد. ئیستا قاوهكهی بۆ نههاتبوو كه له سهڕا بهربینگی بهخۆی گرت. بۆ لێره دانیشتویی؟! قاوهكهت بهخۆوه و ههسته بهڕۆ هێندیهك كهلوو پهلی ناو ماڵ بهكڕه، بهڕووه بۆ ماڵ، بهڕۆ ئهو نووسهراوی كه تهواوت نهكردوه كاری له سهر بهكا. كهس نازانی تو چی دهكهی، باشتر نهبوو كه...
<br />
<br />هێندهی پێ نهچوو گێشتهوه ماڵ و یهك ڕاست چوو بۆ لای نووسهراوهكانی. له سهر كورسی كاركهی دانیشت و دهستی كرد بهخوێندنهوی نووسهراوهكهی. ئهو چهندومین جار بوو كه ئهو پهرتووكی دهخوێندهوه. دهسهتی برد بۆ قهڵهمهكی بۆ ئهوه كه هێندیهك ههڵه ڕاست كاتهوه، كهچی زهنگی دهركی ماڵ ڕاێچهلكاند. له خۆی پرسی دهبی كێ بێت؟ بهرهو دهركی ماڵ دهچێت و دهركه دهكاتهوه. له پێش دهركه كیژیكی باڵا بهرزی جوان له پێشی ڕاوستاوه! چاوی دهبڕێته چاوهكانی، فهرموو؟!!
<br />
<br />- سڵاو، پاش نێوڕۆت باش. دهم بووری كاتت دهگرم، دهكری خۆمت پێ بناسێنم. دهستی دریژ كرد بۆ لای، من شانتاڵم هاوسی تازهم!
<br />- ئهویش دهستی دهخاته ناودهستی و بزهیكی دێته سهر لێوان و خۆی پێدهناسێنێت،بهخێر هاتی! بهپێكهنینهوه دهڵێت چه زوو هاتی؟!
<br />- نا ئیستا بهیهكجاری نههاتووم، خهریكی خاوێنكردنهوهم، ڕهنگه چهند ڕۆژیك بهخاینت تا...
<br />- زۆر باشه، ماڵهكهت پی چۆنه؟
<br />- ڕازیم هێندك... لهمێژه لێره دهژی؟
<br />- من نزیك به دوو ساڵه
<br />- ژیانت لهو گهركه بهدهڵه؟
<br />- ئهی بۆ نا، گهركهكی فره ئارامه...
<br />- بهههر حاڵ خوشحاڵم بهناسینت، هیوادارم هاوسێكی باش بین بۆ یهكتر.
<br />- منیش ههر وا
<br />- بهبووره من دهبی بهرۆم ...
<br />- زۆر باشه، جاریكیتریش خێرهاتی. ئهگر من لێره بووم و كاریك یا خۆ پێداویستهكهت ههبوو، دهتوانی پێم بهلێی.
<br />- زۆر باشه، سپاس و ماڵئاوا
<br />- ماڵئاوا
<br />
<br />هاتهوه ژووری، بهڵام بهتهواویی دهست و پێ خۆی لێ وهن بووه. یهك دوو جار خۆی ڕاچهڵكاند، كه چی هیچ سوودهكی نهبوو. نووسهراوهكی لهبیر چووه و به بێ ویستی خۆی سیگاریكی داگیرساند. چاویكی بهدهور و بهری خۆی داخشاند و ڕاست چوو له سهر مۆبڵهكهی كه ڕوو به پنجهری كه دهڕۆانێته سهر كۆڵانهكه دانیشت. ههستی بهوه كرد كه وهك جاران ناتوانێت بیر بكاتهوه و مێشكی به تهواوی بهتاڵه. ههر لهو حاڵ و ههوایه دا بوو كه شانتاڵ له بهر پنجهرهكه دهركهوت و به بزیهك له سهر لێوان چاویكی لێكرد و دهستی بهنیشانهی ماڵئاوایی بۆ بهرز كردوه. ئهویش بهبێ ئهوی له دهست خۆی دا بێت، یهك پێ ڕاست بووه و دهستی بۆ بهرز كردوه.
<br />كه شانتاڵ له چاوان وهن بوو، تهزویكی گهرمی شهرماویی به تهواویی لهشی دا هاته خۆار. من بۆ چی ئێستا یهك پێ ڕاستبوومهوه، ئهوه چه كاریهك بوو كردم؟!
<br />باشه دیسانهوه كهوتێهوه ڕهخنهگرتن له خۆت، چیه خۆ دنیا خراپ نهبووه؟ وای دابنێی ئهویش ههستی پێكردهبێت و ڕۆژیهك به چاوت داداتهوه. دهتوانی بۆی باسی بهكهی كه له كهلتوری ئێمه دا ئهو جۆره شتانه باوهن!!! بسه بابه بسه ئهو شهرم پێوانهیه چێه ،خۆ پردی قهیامهتی نهپساوه!!
<br />
<br />ههتا ڕۆژی دووشهممۆ كه بهرو كار بهر بووه دیتنی شانتاڵ هۆش و ههواسی لی ههستاندبوو. یهك دوو جار هاته سهر ئهوه كه خۆی نهخۆش كاو نهچێتهوه سهر كار ههر بۆ ئهوه كهبهشكوو شانتاڵ زۆرتر ببینێت. ئهی هاوار تو پێم ناڵیی كهنگی گهوره دهبی و هێندهك ئاقڵ؟! چهخبهره؟! شانتاڵ خۆ ههڵ نایه ئهوه به گێانی ناخێرت تازه دهبێت بهجیرانت. بسه دهس ههڵگره لهو كار و كردهوهانه!!
<br />
<br />هێدی هێدی له درێژایی حهوتوو دا شانتاڵ و ئهو ههستی كهله دهروونی دا ورووژاند بووی خهریك بوون كۆچیان دهكرد و ژیان ههتا دههات ئاسایی تر دهبووه. شانتاڵ ههر چهند وهی دهچوو كه دراوازیهك بێت بۆ دهرباز بوون لهو نامۆیه كه تووشی هاتبو، بهڵام دیسانهوه لای وا بوو كه ئهو نامۆ بوونه له خۆ و له دنیای دهرهوه زۆر لهوه بههێزتره كه به شانتاڵ له مهیدان بهدهر بكرێت! ئاخری حهوتوو هاتهوه، شانتاڵ ماڵی دانابوو و بهبوو بههاوسی، بهڵام ئهو دهت وهت نهبای دهیهوه و نهبۆران. نێوهڕۆی شهممو بوو كه له حهوشی پشتهوی ماڵهكانێان چاویان پێك كهوت.
<br />
<br />ـ سڵاو خێر هاتی دیسان، ماڵ گۆاستنهوه چۆن بوو؟!
<br />- سڵاو و سپاس، باش بوو...
<br />- ههموو شتهك تهواوه؟!
<br />- نا هێندهك....
<br />
<br />دهت وهت ههر دووكهیان ههستیان به شتێك كردهوه، بهڵام بۆخۆشیان نازانن چێه! ئهوه خۆشهویستیه یا خۆ ترسان له خۆشویستن، خۆیان له نێگای یهكتر دهدزیهوه.تو بهڵێی ئهو ههستهی بۆ من بوو بێت كه من بۆ ئهوم ههبوو، كاتێك بۆ یهكم جار یهكترمان بینی؟! تو بڵێی ئهویش ههر ئهو بهڵایی به سهر ههستی خۆی هێنا بێت كه من بهسهر ئهی خۆمم هێناوه؟!
<br /> ههر چێهك بێت یهك شت له نێگاو كار و كردهوكانی ههر دووكێان زۆر به ڕوونی دهر دهكهوت. ئهویش ئهوه بوو كه ئهوان دهترسان چاو لهیهك كهن، دهترسان له گهڵ یهكتر بهدوینن. ههر وهك ئهوه له ههموو شتێكی یهكتر و له بوونی یهكتر له نزیك یهك بهترسن. زۆر كهم قسهیان له گهڵ یهكتر دهكرد، به دهزی چاویان لێكتر دهكرد... كهچی ههر لهو كاته دا ئاواتێان ئهوه بوو زۆ، زۆ یهكتر بهبینن!
<br />
<br />دوو حهوتوو بهسهر ئهو وزعه دا تێپهڕیی، لهو ماوهیه دا زۆر جار پاش دهیتنی یهكتر كاتێك بهتهنیا دهبوون بهو ئاكاره منداڵانهی خۆیان پێدهكهنین. ئاخری حهوتوو دهستیی پێ كردهبوو. شهوی ههینیه، ههردووكێان لهبهر خۆیانهوه دهێان وهت: وا نابێت، دهبێت یهكمان ههنگاویهك ههڵێنینهوه و شتیك بكهێن. ئهو دهی وهت: باشه لهو وڵاته دا كه بهرابهری ژن و پێاو تا ڕادهیهكی زۆر مسۆگهر بووه، بۆچ دهبێت ئیستاش له خۆشهویستی دا پێاو دهست پێشكهری بكات؟! لهو پرسێارانه گهڕیی باشتر وایه ڕێگایهك بۆ چارهسهریی ئهو ههل و مهرجه بهدۆزرێتهوه. بهڵام ههر چهند زۆرتری بیر لی دهكردهوه، كهمتر ئاكامی ههبوو! شهو بهرو تهواو بوون دهچوو، كهچی نه خهوی لێ دهكهوت ونه ڕێگایه چارهشی به بیر دا دههات. بهدهنگێكی بهرز وهتی ئایی ئهوین مرۆ لهههمبهر تۆ دا چهند داماو و سهر لێشێواوه!
<br />
<br />ڕۆژیی شهممۆیه تیشكی ههتاو خۆی خهزاندوته ناو ژووری خهوكهی و مزگێنی ڕۆژیكی خۆشی پێدهدا. ههڵدهستی له پنجهره ڕا چاویهك له حهوشهی ماڵهكهی دهكا، دهبینی ئهو شانتاڵ لهبهر ههتاو دانیشتوه خهریكی كتێب خویندنهوهیه، یا باشتر بهوتری خۆی خافڵاندوه به كتێبهكهوه كه ڕهنگه تا ئیستا لاپهڕیكی لێ نهخویندوتهوه. به خێرا جهلهكانی لهبهر دهكا دهچێته خۆاروه.
<br />
<br />- سڵاو، بهیانێت باش
<br />- سڵاو بهیانی خۆت باش. باش خهوتی؟!
<br />- ئهگر ڕاستت بهوێت نا...
<br />- بۆ نا؟
<br />زمانی قهفڵی كرد بوو، دهڵهكووتهیهك دای گرتبوو كه مهپرسه، ئیستا پێ بڵێم لهبر چاوه جوانهكانی تو لهبهر ئهو ڕاستێه كه من ئاشقی توم و توش نازانی. نا ههرچی كردیی و كراندیی توانای دهربڕین ئهو چهند وهشه ساكارانه، كه 6 میلیارد مرۆ له ههموو دنیا به باشی لی حاڵی دهبن و هیچ پێویستی به شیكردهنهوه و لێكدانهوه نیه، نهبوو.
<br />
<br />- نازانم، ئهی تو، خهویی ماڵی تازهت خۆشه یا نا؟!
<br />ئهویش ههر وهك له مێژ بێت بزانێت ئهو پرسیاری لێ دهكات، بێ ئهولاو ئهولا وهتی؛ ئهری باشه، دهبێت لهگهڵ شوێنی تازه ڕا بێم و تا ئیستاش زۆر باش بووه. كهچی سوور سوور دێزانی دهرۆ دهكا، ئهویش شهویی ڕابردوو ههر بهو دهرده گرفتار بهبوو كه ئهو پێوه دهناڵیی!
<br />وا وهی دهچوو كه هیچ قسهیهكێان بۆ وهتن نهماوه و ئهو ڕۆژ وهك جارهكانیتر دهبێت ههر بهوهنده ڕازی بن و بهس! بهڵام شانتاڵ دهست پێشكهری كرد و پرسی ئهمڕۆ به هێوایی چی؟
<br />- واق ما بوو، خۆ من به تهمای هیچ نهبووم ئهمرۆ. له پهڕ وهتی: دام ناوه بهچم بۆ سینهما!
<br />- چه فیلمێك؟
<br />- ئهگر ڕاستت بهوێت نازانم، دهچم چاو لێ دهكهم
<br />- لهگهڵ كێ دهچی؟!
<br />- تا ئیستا ههر خۆم بهتهنیا!
<br />- كاتێكی خۆشت بێت
<br />- سپاس، ئهی تو چهت له خهیاڵ دایه؟!
<br />- شتێكی ئهوتو لهگۆڕی دا نیه، ڕهنگه شهو بهچمه دهری.
<br />- ئهگر پیت خۆشه، وهره بهیكهوه دهچین بۆ سینهما.
<br />- دهمێك ڕاوستا، ههناسهیكی ههڵكێشا و چاوی بهڕیه چاوهكانی. ئیدیهكی جوانه، باشه!
<br />- ئهگر وا بێت سهعات 6:30 دهڕۆین
<br />- زۆر باشه
<br />
<br /> سهعات شهشونێو ههر دوو هاوكات لهگهڵ یهك لهماڵ هاتنه دهر. یهك ڕاست چاویان بهڕیه یهكتریی.ههر دووك خۆیان ڕازندبووه. ههر دهتوهت دهچن بۆ خۆازبێنی یهكتر! بزه كهوتنه سهما لهسهر لێوهكانێان، كهوتنه ڕێی، یهك دوو چركهیهك بێدهنگێكی تێكڵاو به ترسهوه به سهریان دا زاڵ بو. بهڵام هێندیی نهخایاند كه ئهو بێدنگی شكاند و وهتی: فیلمی ئیتالیاییت هیچ پێخۆشه؟
<br />- ئهری من فیلمی ئیتالیایی و فرانسهویم زۆڕ خۆش گهركه، بۆ؟
<br />- بیستووم كه فیلمێكی ئیتالیایی به ناوی "ئهل پۆستینۆ" هاتوته سینماكان.
<br />- باس له چی دهكا؟
<br />- باسی پێوندهیی شاعیریكی خهلكی شیلی دهكا كه "تبعید" كراوه له ئیتالیا له گهڵ نامهبهریكی ئیتالیایی.
<br />- دهی باشه دهچین چاو لێ دهكهین بزانین چون دهبێت.
<br />گهیشتنه بهر دهركی سینما قهدیمهكهی شار. چاویهكیان له پۆستریی ئهو فیلمانه كرد كهبه دهرك و پنجهرهكانی سینهماوه ههڵواسرا بوون. شانتاڵ به دهنگێكی نزم و دڵگیر وهتی پێم وابێت ئهوتا ئهو فیلمه كه تو باست دهكرد. چاویی له پۆستێرهكه كرد وهتی ڕاسته بۆخۆیهتی. سهعات 8 نیشان دهدرێت. بێژه بهزانم بچین یا نا؟! ئهی بۆ نا وا وهی دهچێت خۆش بیت.
<br />
<br />تا سهعات8 پێكهوه زۆریان قسه كرد. له ههر لاوه قسهیهك كرا. به دهم قسهیان دهكرد، بهڵام چاوهكانیان تهواو خهریكی وهتوووێژیكیتر بوون. ههرچهند ههوڵیان دهدا كه نههێنی دڵیان بهباشترین شێوه لهیهكتر بهشارنهوه، كهچی چاوهكانیان زۆر به ئاسانی بێ گۆیدان به ویستی وان ڕازی دڵیانی دهدركاند. یهك، دوو جار، ههر دوویان له ژێر گۆشاریی چاوبازینی چاوهكانێان هاتنه سهر ئهو باوهڕه كه ڕازی دڵیان بۆ یهكتر بێنه سهر زهمان، بهڵام ئهوانیش لاساریان كرد و وڵامی چاوانێان نهدانهوه!
<br />سهعات 8 هاتو و لهو بهزمی چاو و دڵ و زمان ڕزگاری كردهن. فیلمهكه زۆر خۆش بوو، ههر دووك بهدڵیان بوو. پاش فیلم چوونه قاوهخانهیهك. كهوتنه قسهكردن له سهر فیلمهكه، باسی سرووشتی ئیتالیا، ڕۆڵی شاعیركه، ئهلپۆستینۆ و كیژهكهی ئاشقی دهبێت. ههمووی فیلمهكهیان چاریكیتر تاو وتێوكرد. شهو دهرنگ بهبوو، به باشیان زانی كه كهش و ههوای ئهو فیلمه به هاتو وهاواری كافهكان تێك ندهن و بهرهو ماڵ ببنهوه. دوور و نزیكی ماڵ بهبوونهوه كه شانتاڵ وهتی شهویكی زۆر خۆش بوو و سپاس بۆ بانگهێشتنهكهت.
<br />- شایانی نیه، ئهری شهویكی خۆش بوو و به پێكهنینهوه وهتی هێوادارم لهو شهوانهمان زۆر بێت!
<br />- ئهری هێوادارم. تو شارهزای ئهو شارای بێ بهشمان نهكهی لهو بهزمانه!
<br />- دڵنیا به بێ بهشت ناكهم. ڕاستی، لهگهڵ موزیكی جاز هیچ نێوانێكت ههیه؟!
<br />- ئهری، بۆ؟
<br />- لێره كافهیهكی ههیه كه لهوی ههموو ڕۆژانی دووشهممۆ موزیكی جاز به زیندوویی لێدهدرێت.
<br />- چه خۆش.
<br />- ئهگر تاقهتت بۆ ئهو دوو شهممۆیه كه دهێتهوه، دهچێن.
<br />- با شه، زۆر باشه.
<br />لهبهر دهركی ماڵن، ڕادهوستن، چاویهك لێكتر دهكهن، لێك نزیك دهبنهوه و سهریان بۆ لای یهك درێژ دهكهن لا ڕوومهتهكانی یهكتر ماچ دهكهن، تهزۆیهكی سارد بهلهشیان دا دهێت، مات دهبن، پاشان شهو خۆش.
<br />
<br />چوو ده جێگاكهیهوه ڕاكشا، هێندهی پێ نهچوو خۆی گهڵۆڵه كرد ههر وهك بهڵێی ژانێكی بههێش ئازاری بدا.پرسیارهكان له مێشكی دا هاروو ژابوون، بهڵام ئهوجار پرسیاركان ئهو نهبوون لێره چهدهكا و ژیان و داهاتووی له ههندهران چی لێدیتهوه، بهڵكوو له خۆی دهپرسی چه لهگهل ئهو ئهوینه بكا.چونی دهربڕێت و ئاخۆا وڵام چه دهبێت و چارهنووس چهداویكی بۆ داناوهتهوه. شهو تا بهیان ههر ئهو دیو و ئهو دیویی كرد و وڵامێكی ڕوونی دهست نهكهوت. له بهرهبهری بهیانی دا خهویی لهكهوت.
<br />رۆژی یهكشهممۆ یهكتریان نهدیی. شانتاڵ به نان دا چوبوو و به ئاو داخورابوو. سهیره ههر دیار نیه، چهند چار چوو سهری حهوشهكی پشتهویی دا بهڵام شانتاڵ دیار نهبوو، یانی له ماڵ نهبوو. كهوته گومان كردن له خۆی! ڕهنگه شهوی ڕابردووی ئهوندهش پێ خۆش نهبوو بێت، وهك خۆی دهی وهت. تو بڵێی له من تووڕه نهبوو بێت؟! باشه بۆ؟ خۆم من چی خراپم نهكردوه. نا بابا داخۆا قهراریكی ههبووه تهواو. ڕهنگه... شهو تا دهرنگانێك هیچ خبهر نهبوو، شانتاڵ ههر نههاتهوه، بهدهم باویشك لێدانهوه چوو كه بهنوێت. دهبا بهیانی زوو له سهر كار با.
<br />
<br />دووشهممۆیه، له سهر كار هاتوتهوه، به دهست و بهرد نانێكی ساز كرد خۆاردیی و ورده ورده خهریكی خۆ سازكردهن بو، بۆ ژوانی ئهمشهویان. لهو سهر و بهنده دا دهنگی شانتاڵی له حهساری پشتهوه ڕا بیست. چوو بهر و پیری دهنگهكه.
<br />- ههی شانتاڵ، چۆنی، ئهوه له كام دیار بوویی؟!
<br />- باشم سپاس، من دۆینێ چووم سهریهكم له دایك و بابم دا، شهو نهگڕامهوه و بهیانی زۆ هاتمهوه.
<br />- ڕاستی سهعات چهند دهچین بۆ جازموزیك؟
<br />- سهعات 8:30 دهست پێ دهكا، ئێمه 8 لهوی بین باشه، باشه؟
<br />- باشه، من دهچم خۆم ساز دهكهم.
<br />هاته ژووروه. له ناوهڕاستی ژووركه ڕاوستا و به خۆی وهت: ئهمشهو، ههست و سۆزیی خۆمی پێ دهڵێم!
<br />
<br />درێژی ههیه.........
<br />
<br />
<br />
<br /> شوانهوێڵهو فرهنجێكی و شمشاڵی
<br />
<br />
<br /> <div class="blogger-post-footer"><img width='1' height='1' src='https://blogger.googleusercontent.com/tracker/5663272-106328913259021304?l=shwaniwell.blogspot.com' alt='' /></div>Shwanhttp://www.blogger.com/profile/14636987950716918786noreply@blogger.comtag:blogger.com,1999:blog-5663272.post-1062460179243873292003-09-01T16:49:00.000-07:002003-09-01T16:49:39.300-07:00ئهمڕۆ دوو ژوماری (28-27) گۆڤاری مههابادم بهدهست گهیشت. له ماوهی 5-4 ساڵی ڕابردوو دا له ڕۆژههڵاتی كوردستان جووڵانهویكی فهرههنگی، كۆمهڵایهتی و ئهدهبی بربڵاو سهری ههڵداوه كه له سهریهك له گهڵ ههموو كهم و كوڕیی و بهرتسك بوونی مهیدانی ههڵسووڕانی ئهو بزاڤه، له بههێزكردنی ناسیونالیزمی كهلتوریی و له ئاكامیشدا پهڕ ناوهرۆك كردن و بهوهزه كردنی ناسیونالیزمی سیاسی له كوردستان دا دهتوانێت ڕۆڵێكی فره مهزن ببینت. گۆڤاری مههاباد یهكێك لهو گۆڤاره مانگانهیه كه له خزمت كهلتور و زمان و ئهدهبی كوردیی دایه.
<br />
<br />لهو دوو ژوماری جۆزردان و پووشپهڕی مههاباد دا چهند بابهتی به پێز تێدایه كه هێندیكیان بریتین لهوانه:
<br />1 . كۆمهڵی پهڕبهسته له لایهن سهر نووسهر سهلاحی ئاشتی،كه باس لهو كۆمهڵگا داخراو و سیستمه توتالیترانه و بێداهاتوویان دهكا.
<br />
<br />2. نهزمهی نوێی جیهانی و كێشهی كورد له لایهن كهماڵ مهجیدپوور، كه باسێكی تئوریكه له سهر نهزمی جیهانی و ئهو باسانهی كه له سهر ئهو نهزمه هاتوونه ئاڕاوه. پاشان ئاڵوگۆڕهكانی 12ساڵی ڕابردوو و نهزمێكی كه پاش شهڕی سارد هاتوته ئاڕاوه و ئاكامهكان و جێگا و شوێن زهلهێزكان و دهوڵهتانی داگیركهری كوردستان و داهاتووی كوردستانی هێناوته بهر باس. ئهو وتاره له دوو بهش دا لهههر دووك ژومارهكه داهاتووه.
<br />
<br />3. كورد له دهقه كۆنهكانی مێژوو دا كه له لایهن ئهحمهد شهریفی كه باس له كورد دهكا و له سهفهرنامهی گهزنهفۆ 401ی بهر لهزاین وهرگیراوه، ئامادهكراوه.لهو نووسراوهیه دا هاتووه كه: گهزنهفۆن لهدرێژهی سهفهرنامهكهیدا دهنووسێ: گهیشتینه گوندێكی چۆلكراو. ماڵ و خانووبهرهی كوردان بهڕاستی جوان و ڕازاوه بوون. خواردهمهنێكی زۆر دهماڵان دا بوو. شهرابی عهنتیكهی مهردئهفكهن هێنده زۆر بوو له حهوزی سارووجیان كردبوو... دێله ئێرانییكهكان وتیان بهرهو باكوور كه بڕۆن دهگهنه سهرزهوی و وڵاتی كوردان. گهلێكی جهنگاوهری چیایین. شای ئێران له گهڵیان به شهڕ هات. كوردان 120 ههزار سپای ئێرانیان له چیاكان دا كوشت. تهنانهت یهك كهسیش به زیندوویی نهگهڕاوه.
<br />
<br /> 4. گرینگی چاپخانه له ژیانی سیاسی و ڕۆشنبیری كۆمهڵهی ژێ.كاف و كۆماری كوردستان له لایهن دوكتۆر هیمداد حوسێن. كه باس له مێژووی و چهلونایهتی سهرههڵدان و كارهكانی ئهو چاپخانهیه دهكات.
<br />
<br />5. زیندان لهبهرههمهكانی برانیسلاو نوشیج تهنزنووسی مهزنی یووگسڵاویی كه له لایهن شهندهوه وهرگێڕاوتهوه.
<br />
<br />6. زۆر بابهتی ئهدهبی و كۆمهڵایهتیتر وهك شعر و تهنز كه ههر كامه له جێگایی خۆی تام و چێژیی خۆی ههیه.
<br />
<br />بهو هێوایه كه ئهو بهڕێزانه ههر وا بهوێرانه و هێژایانه بهو جۆره له خزمت نهتهوهكهمان دا بن. دیاره مرۆ به ئابوونه كردنی دهكارێت له باری ماڵیهوه یارمهتێك بهو بنكه و پێكهاته كوردیانه له ڕۆژههڵات كه له خزمت فهرههنگ و كهلپوریی كوردی دان، بهكات و بهو چهشنه یارمهتیدهریك بێت بۆ له سهر پێ ڕاگرتن و سهربهخۆ بوونی ئهو سازیانه.
<br /> <div class="blogger-post-footer"><img width='1' height='1' src='https://blogger.googleusercontent.com/tracker/5663272-106246017924387329?l=shwaniwell.blogspot.com' alt='' /></div>Shwanhttp://www.blogger.com/profile/14636987950716918786noreply@blogger.comtag:blogger.com,1999:blog-5663272.post-1062250294647175702003-08-30T06:31:00.000-07:002003-08-30T06:31:34.710-07:00له گهڵ سڵاو و ڕێز !
<br />زۆر جار دههاتمه سهردانی گۆنده خهنجیلانهكهتان و نووسهراوكانتانم دهخوێندهنهوه. ئێستا هاتوومه سهر ئهو باوهڕ منیش به پێ توانستی خۆم لهو ڕێگایهوه جار نا جار شتێك بهنووسم و ههر لهو كاته دا بهبم به ئهندامێكی گووندهكهتان.
<br />بۆ ناساندنی خۆم دهكاری بێژم: من خهڵكی ڕۆژههڵاتی كوردستانم. ماوهی چهند ساڵێكه، بههۆی زهبهروزهنگی داگیركهران، وڵاتم بهجی هێشتهوه و له ههندهران ژیان و ژانم تێكڵاو كردوه و دهێژێنم. ناویی ماڵهكهم ههر وهك دهبینن" شوانهوێڵهیه". ئهو ناوه بهههڵكوت نیه، بهڵكو دهگهڕێتهوه بۆ وێست و داخۆازیكی سهردهمی منداڵیم. نازانم لای ئێوش وا بوو یا نا، بهڵام له سهردهمی خوێندهن دا زۆر جار له قووتابخانان له منداڵانێان دهپرسی كه پێت خۆشه له داهاتوو دا بهبی به چی؟ ئهوندی من لبیرم بێت بهشی زۆری منداڵان ئاواتخۆاز بوون، بهبن، به دوكتور، مامۆستا، ئهندازیار و شتی لهو بابته. بهڵام من ههر كه زۆر منداڵ بووم گێرۆدهی خهون و خهیاڵێكی سهیر بهبووم. بنهماڵهی دایكم كه خهڵكی دهی بوون و زهویی و زار، مهڕ و ماڵاتێكی زۆریان ههبوو، ههموو هاوینان بهڕۆاڵت جێگای پشووی هاوینیی من بوو. ههر لهو سهردهمهوه تا ئێستا سهرووشت و ژیانی لادیی منی بهتهواویی كردوته ئۆگهر و عهوداڵی خۆی. من لهو سهردهمانه دا كه دهچوومه ماڵه خاڵم ههر دهچوومه بهر، بهرخان و ئهو ژیانه ساكاره له ناو دهشت، چیاو دۆڵهكانی كوردستان، وهها منی بهخۆیانهوه گرێدا بوو كه ههر جار ڕووم له شار دهكردهوه تهمی خهمێك دای دهپۆشیم. نازانم ئێوه له بهر سێبهری كهژ ڕۆنێشتوون، یا خۆ لووتكهی چیاتان له ژێر پێ خۆتان دا دیوه، چاتان به كهتریی ڕهش سازكردوه و لهو ههوای ساف و بێگردی وڵاتان ههڵمژیهوه.
<br />ساكارترین ژیان و ساكارترین مرۆ له كۆمهڵگای گوند دا شوان وژیانی ئهو بوو، ههر شوانیش بوو كه ههموو ڕۆژ له وهرزی بههار دا ههتا كۆتای پایز و وهرزی تهڕ و تووشی ڕووی له شاخ، دهشت و دۆڵ دهكرد. ئهو ژیانه ههڕچهند زۆر ساكار و سهرتایی بوو بهڵام من ئێستاشی لهگهڵ بێت ههر پێم خۆشه! جا لهو ڕۆانگهیهوه هاتوومه لهو گوونده دا ببمه شوان، ئهگر نا ئهوه به ناوی شوانهوێڵه ڕازیم و بس.
<br />من قهتم كوردی نهخوێندوه، ههر بۆیه له كوردیی نووسین دا فره كۆڵهوارم، بهڵام ههموو ههوڵی خۆم دهدهم كه ئهو كهماێسیه قهرهبوو بكهمهوه (ئهو بلاگهش ههر بۆ ئهو مهبسته پێك هاتووه كه ئهگر كاتم ههبوو كوردی بنووسم). لهو ههوڵه دا ههر كهس یارمهتی دهرم بێت و ههڵهم بۆ ڕاست كاتهوه گهلێكی سوپاس دهكهم.
<br />
<br />شوانهوێڵه و فهرنجێكهیی و شهمشاڵی <div class="blogger-post-footer"><img width='1' height='1' src='https://blogger.googleusercontent.com/tracker/5663272-106225029464717570?l=shwaniwell.blogspot.com' alt='' /></div>Shwanhttp://www.blogger.com/profile/14636987950716918786noreply@blogger.com